Olar josparly tekseris kezinde rentgen qurylǵysynyń kómegimen kir jýatyn untaqtyń arasynda basqa zattar jasyrylǵanyn anyqtady. Zańbuzýshylyqty eń aldymen 5517 áskerı bóliminiń baqylaýshy mamany serjant Jannat Halılova baıqaǵan.
Sóıtse, kir jýǵysh untaq salynǵan qaptamanyń ishinde 11 uıaly telefon, 7 jup symsyz qulaqqap, 30 dana symdy qulaqqap, 1 dana smart-saǵat, 1 dana flesh-kartaǵa arnalǵan adapter, 3 dana flesh-karta, 13 USB shnýry, 4 dana qýattaǵysh qurylǵy shyqqan. Odan bólek qyzyl tústi erekshe ıisi bar suıyqtyq quıylǵan bir quty tabyldy, onyń ne nárse ekenin anyqtaý úshin saraptama taǵaıyndaldy.
«Bizdiń áskerı qyzmetshiler men túzeý mekemesi mamandarynyń úılesimdi ári kásibı is-áreketi arqasynda tyıym salynǵan zattardy mekeme aýmaǵyna ótkizbeı, jolyn kestik. Qazirgi ýaqytta bul fakt boıynsha tekserý júrgizilip jatyr» dep habarlady «Ulttyq ulannyń» baspasóz qyzmeti.
Batys Qazaqstan oblysy
