Atalǵan jarysta Rýslan Sarıev ta óner kórsetedi. Osyǵan deıin 17 márte aıqas alańyna shyǵyp, 13 ret jeńiske jetken jerlesimiz dál osy uıymnyń altyn belbeýiniń ıegeri. Bul ataqqa Rýslan byltyrǵy jyldyń qarasha aıynda UFC-diń burynǵy jaýyngeri, brazılııalyq Raýlıan Paıvony utyp qol jetkizdi.
Astanadaǵy týrnırde de Sarıev kezinde UFC-de kúsh synasqan Brazılııanyń taǵy bir ókilimen aıqasady. Qandasymyzdyń qarsylasy – Fransısko Fıgeredo. Onyń da esimi kópshilikke jaqsy tanys. Fıgeredo barlyǵy 19 ret oktagonǵa shyǵyp, 13 kezdesýdi óz paıdasyna sheshti. Bes ret utylyp, taǵy bir básekeni teń aıaqtady. (13-5-1),
