Jańa tujyrymdamany ázirleýge qatysady

Máýlen Áshimbaev qatysý­shylarǵa iltıpat bildire kelip, Prezıdent Qasym-Jomart Toqaevtyń bastamasymen júrgi­zilip jatqan aýqymdy saıası re­formalardyń nátıjesinde Qa­zaqstan halqy Assambleıasynyń qyzmeti tyń serpin alǵanyn atap ótti. Sondaı-aq palata spıkeri elimizde beıbitshilik pen kelisimdi nyǵaıtý aıryqsha qoǵamdyq-saıası mańyzǵa ıe ekenin aıtty. Assambleıanyń jumysy taban tireıtin «Birligimiz – ár­alýandyqta» qaǵıdaty ınklıýzıvti memlekettik saıasattyń negizgi mánin kórsetedi.

– Prezıdent Qasym-Jomart Toqaev Qazaqstan halqy Assambleıasynyń sessııasynda sóı­legen sózinde Assambleıanyń bas­ty mindeti Qazaqstan halqynyń tatýlyǵy men aýyzbirshiligin, memleketimizdiń tutastyǵy men kıeli Táýelsizdigimizdi nyǵaıtý ekenin aıryqsha atap ótti. Mem­leket basshysy belgilep bergen maqsat-mindetter qoǵamda kelisim, syı­lastyq jáne yntymaqtastyq sııaq­ty qundylyqtardy berik or­nyqtyrý jolyndaǵy kún tár­tibin aıqyndaıdy. Elimizdiń jan-jaqty damýyn kózdeıtin osy strategııalyq baǵdardy qoldaý asa mańyzdy. Aza­mattyq qoǵamnyń belsendi qol­daýynyń nátıjesinde jáne Assambleıanyń barlyq ıns­tıtýttaryn, memlekettik qu­ry­lymdardy, depýtattyq korpýs­ty jumyldyra otyryp, biz tu­raqty, ádiletti, áleý­mettik jáne ınklıýzıvti Qazaqstan qalyp­tastyra alamyz, – dedi M.Áshimbaev.

Senat tóraǵasy atap ótkendeı, Qazaqstan halqy Assambleıasy qoǵamdyq kelisim men etnosaralyq qatynastyń ulttyq úlgisin kór­setken mańyzdy ınstıtýtqa aınaldy. Sonymen qatar ol qoǵamdyq kelisim men jalpyulttyq birlik salasyndaǵy zańnamalyq qam­tamasyz etý jumystaryn úıles­tirýdiń jáne ortaq múddege kúsh jumyldyrýdyń mańyzyna toq­talyp, bul «Bir el – bir múdde» depýtattyq tobynyń negizgi min­deti ekenin aıtty. Buǵan qosa Senat tóraǵasy atalǵan top QHA-ny 2030 jylǵa deıingi damytý tujyrymdamasynyń negizgi basym­dyqtaryn talqylaıtyn mańyzdy alań bola alatynyn tilge tıek etti.

– Memleket basshysynyń jú­ıeli reformalaryn iske asyrýda Assambleıanyń rólin túsiný jáne ony tujyrymdaý asa mańyzdy. Qazir bizdiń aldymyzda Ádiletti, Áleýmettik jáne Inklıýzıvti Qa­zaqstan qurý mindeti tur. Bul iste Assambleıa úlken ról atqarýǵa tıis. Jańa tujyrymdamada osy jumystyń baǵyt-baǵdaryn naqty kórsetip, jazýǵa bolady. Jalpy, bizdiń halqymyzǵa qonaqjaılyq, sa­nanyń ashyqtyǵy, utqyrlyq, qam­qorlyq, jaýapkershilik sııaqty qa­sıetter tán. Osyndaı qundy­lyq­tar ozyq jáne tartymdy bolýǵa umtylǵan eldiń jańa brendteriniń birine aınalýy kerek. Bul – ulttyq múddeni halyqaralyq deńgeıde dáripteýdiń zamanaýı tásilderiniń biri. Munda da Qazaqstan halqy Assambleıasy mańyzdy ról atqara alady. Sondaı-aq Assambleıa jas­tarmen belsendi jumys júrgizýi qajet. Sol arqyly kelisim men dıa­­log saıasatynyń sabaqtastyǵyn qam­tamasyz etýge jol ashylady. Bul zamanaý­ı jáne kreatıvti tásildi talap etetini anyq, – dep palata tóraǵasy Senat jańa tujyrym­damany ázir­leý jumystaryna bel­sendi qaty­satynyn aıtty.

Máýlen Áshimbaev óz sózinde Álemdik jáne dástúrli dinder kósh­bas­shylarynyń VIII sezine da­ıyndyq barysyna da nazar aýdar­dy. Ol atalǵan forým QHA sııaq­­ty halyqtyq dıplomatııa men dıa­log jáne qurmet pen senim máde­nıetin ilgeriletýge qyzmet etetinin jetkizdi.

Otyrysta qozǵalǵan másele­lerdi talqylaýǵa Parla­ment­tiń jáne oblystyq máslı­hat­tardyń depýtattarymen birge Qazaqstan halqy Assambleıasy Tóraǵa­synyń orynbasary Marat Ázilhanov, «Rodına» agrofırmasy» JShS dırektory Ivan Saýer, Qaraǵandy oblysy ákiminiń orynbasary Álibek Áldeneı, mem­lekettik organdar men saıası partııa fraksııalarynyń ókilderi, Senat janyndaǵy Sarap­shylar klý­bynyń músheleri jáne taǵy basqa belsendi azamattar qa­tysty.