Túnde «Arbat» alleıasynda júrgen áskerı jasaq toptalyp turǵandarǵa nazar aýdardy. Sol jerde qurbysynyń talmasy ustap jatqanyn aıtqan boıjetken jasaq áskerılerden kómek surapty.
Ulandyqtar birden kezekshi bólimge habar berip, «Jedel járdem» shaqyrady. Alaıda patrýldik toptyń bastyǵy, leıtenant Ernur Ábilhan ýaqyt joǵaltpaý úshin zardap shekken qyzdy patrýldik kólikpen jetkizý týraly buıryq berip, bul mindetti avtopatrýl qyzmetshisi efreıtor Tańatar Sultanaıǵa júktepti. Olardyń jedel ári úılesimdi áreketiniń arqasynda qyz oblystyq aýrýhanaǵa der kezinde jetkizilip, qajetti medısınalyq kómek kórsetildi.
Qazir naýqastyń jaǵdaıy qanaǵattanarlyq dep baǵalanyp otyr. Bul oqıǵa tótenshe jaǵdaılarda sabyr saqtap, shuǵyl áreket etýdiń qanshalyqty mańyzdy ekenin taǵy bir márte dáleldedi.
