Foto: ult.kz
Sondaı-aq 14 617 shaǵyn gıdrotehnıkalyq nysan aýystyrylyp, jańadan salynǵan. 327,86 shaqyrym kollektor men 151 baqylaý uńǵymasy qalpyna keltirilgen.
«Bul jumystar Dúnıejúzilik bankpen birlesip júzege asyrylyp jatqan Irrıgasııalyq jáne drenajdyq júıelerdi jetildirý jobasynyń ekinshi kezeńi aıasynda atqaryldy. Osyǵan uqsas jobalar Almaty, Jambyl jáne Túrkistan oblystarynda da júrgizilip jatyr. Osynyń arqasynda 105 myń gektardan astam jerdiń sýarmaly jaǵdaıy jaqsarady. Búgingi tańda bul jobalardyń 86%-y aıaqtaldy. Qazirdiń ózinde 79,15 myń gektar egistikke sý jetkizý jaqsaryp, jylyna 201,8 mln tekshe metr sý únemdeýge jaǵdaı jasaldy», dedi Sý resýrstary jáne ırrıgasııa mınıstri Nurjan Nurjigitov.
Osy jumystardyń nátıjesinde jalpy kólemi 15,1 myń gektar aýyl sharýashylyǵy alqaptaryn sýmen jabdyqtaý deńgeıi men melıoratıvtik jaǵdaıy jaqsarǵan. Sýarmaly jerler tolyq ıgerilgen. Joba sý shyǵynyn 30 paıyzǵa deıin azaıtý arqyly jylyna shamamen 95 mln tekshe metr sýdy únemdeýge múmkindik beredi.
Jergilikti sharýa qojalyqtary atqarylǵan jumys nátıjesine oń baǵa berip otyr.
«Kanaldardy tazartý, shlıýzder ornatý jáne basqa da jumystardyń arqasynda sý jetkizý 35-40 paıyzǵa jaqsardy. Bul júıe dıqandarǵa sý tapshy bolsada jumys isteýge kómektesedi. Jalpy nátıjeler óte jaqsy», dedi jergilikti sharýa qojalyǵynyń agronomy Sultanbek Úsenov.
