Foto: gov.kz
Qujat 2024 jylǵy 10 qazanda Ashhabat qalasynda jasalǵan edi. Osy kelisim negizinde ınvestısııalyq qyzmetke qolaıly jaǵdaı jasaý, tikeleı sheteldik ınvestısııalar aǵynyn yntalandyrý jáne ýaǵdalasýshy elderdiń ekonomıkalyq ál-aýqatyn jaqsartý josparlanǵan.
«Ýaǵdalasýshy taraptardyń kez kelgeniniń ınvestorlary júzege asyrǵan ınvestısııalar ádil ári teń quqyly rejımdi paıdalanady. Sondaı-aq ol ekinshi tarap memleketiniń aýmaǵynda tolyq qorǵalady, qaýipsizdigi qamtamasyz etiledi. Ýaǵdalasýshy tarap óz memleketi aýmaǵynda ekinshi tarap memleketiniń ınvestorlaryna olardyń ınvestısııalaryn basqarýǵa, ustaýǵa, paıdalanýǵa nemese olarǵa bılik etýge qatysty óz ınvestorlary men olardyń ınvestısııalaryna usynatyn rejımnen kem emes qolaıly rejım usynady», delingen Májilis habarlamasynda.
Sondaı-aq, kelisim boıynsha bir ýaǵdalasýshy taraptyń ınvestory men ekinshi tarap arasyndaǵy mindettemeni boljamdy buzýǵa qatysty kez kelgen daý múmkindiginshe beıbit jolmen sheshilýge tıis. Daýdy beıbit jolmen retteý múmkin bolmaǵan jaǵdaıda múddeli ınvestor óz qalaýy boıynsha daýdy sheshý úshin aýmaǵynda ınvestısııalar júzege asyrylǵan ýaǵdalasýshy tarap memleketiniń quzyretti sotyna ne basqa da halyqaralyq tórelik mekemelerge júgine alady.
