Aqparat saqshysy atty Telegram-arnada jarııalanǵan málimetke sáıkes, alaıaqtar áskerı komıssarıattyń atyn jamylyp, azamattarǵa jappaı SMS-habarlamalar, messendjerdegi habarlamalar jáne elektrondy hattar taratyp jatyr.
Habarlamalar mazmuny kóbinese úrkitý sıpatyna ıe:
-
«Siz áskerı komıssarıatqa shaqyrtý boıynsha kelýge mindettisiz!»
-
«Siz áskerı qyzmetten jaltaryp júrsiz!»
-
«Derekterińizdi rastaý jáne aıyppuldan qutylý úshin myna silteme arqyly ótińiz»
Naqty máni nede? Bul siltemeler arqyly azamattar fıshıngtik saıttarǵa ótedi. Onda:
-
Pasporttyq derekterdi engizýge ıtermeleıdi — keıin bul derekter darknet-te satylady.
-
Nemese qurylǵyǵa vırýs júktelip, bank kartalary men qupııasózder urlanady.
-
Keıde alaıaqtar tikeleı qońyraý shalyp, «qylmystyq jaýapkershilik» jaıly qorqytyp, aqsha aýdarýdy talap etedi.
«Áskerı komıssarıat eshqashan WhatsApp, Telegram nemese elektrondyq poshta arqyly shaqyrtý jibermeıdi», dep atap ótti alaıaqtyqty áshkereleýshi arna avtorlary.
Mundaı jaǵdaıda ne isteý kerek?
-
Belgisiz siltemelerge ótpeńiz;
-
Jeke derekterińizdi engizbeńiz;
-
Mundaı habarlamalar kelgen jaǵdaıda, resmı áskerı bólimshege tikeleı habarlasyńyz;
-
Telefonmen aqsha talap etse — bul alaıaqtyq, birden quqyq qorǵaý organdaryna habar berińiz.
