Ssenarıı boıynsha órt «Rıdder orman sharýashylyǵy» KMM aýmaǵyn sharpyp, Rıdder qalasyna taralý qaýpi týyndady. Oqıǵa ornyna kelgen «Rıdder orman sharýashylyǵy» qyzmetkerleri órtti sóndirý jumystaryna kiristi. Kómekke kelgen «MI-2» tikushaǵy ot jıegine shabýyl jasaý úshin órt sóndirýshi-desantshylardy túsirdi. Jedel shtab qurylyp, qosymsha kúshter men quraldar – Orman jáne ańshylyq sharýashylyǵynyń jedel den qoıý jasaǵynyń bólimsheleri jumyldyrylyp, órttiń taralýyna tosqaýyl qoıý sharalary júrgizildi.
ShQO TJD qyzmetkerleri órtpen avtosısternalar, ormanǵa arnalǵan arqa sóndirgishteri arqyly kúresýde. QR TJM-niń ekinshi qutqarý batalonynyń áskerı qyzmetkerleri ottyń taralýyna jol bermeý úshin shansevtik quraldarmen ot jıegin qorshap jatyr. О́rt sóndirý poıyzy orman alqabyna sý jetkizýdi uıymdastyrsa, QR TJM «Qazavıaqutqarý» tikushaǵy sý tógý qurylǵysy arqyly órtti aýa arqyly sóndirýde.
Polısııa qyzmetkerleri órt sóndirý jumystary júrgizilip jatqan aýmaqty qorshaýǵa aldy.
QR TJM «Apattar medısınasy ortalyǵynyń» ShQ fılıalynyń dárigerleri zardap shekkenderge alǵashqy kómek kórsetý úshin sanıtarlyq-evakýasııalyq reanımobıl ornalastyrdy.
Kúrdeli ári kóp saǵattyq órtpen kúres, qutqarýshylar, ormanshylar, áskerı qyzmetkerler jáne jergilikti atqarýshy organdardyń birlesken áreketteri 150 gektar aýmaqty sharpyǵan shartty órtti tolyqtaı toqtatýǵa múmkindik berdi.
«Bul oqý-jattyǵýlar óńirdegi jalpy kólemi shamamen 2,9 mıllıon gektardy quraıtyn orman alqaptarynda órtterge jedel áreket etý maqsatynda ótkizilip otyr. Jattyǵý shynaıy jaǵdaıǵa barynsha jaqyn ótkizildi. Mundaı daıyndyqtar TJ, orman sharýashylyǵy, jergilikti atqarýshy organdardyń bólimsheleriniń tabıǵı órtterge daıyndyǵy men ózara is-qımyl deńgeıin baǵalaýǵa múmkindik beredi», dedi ShQO TJD bastyǵy Rashıd Blıalov
