foto: ashyq derekkóz
Myrzataı Joldasbekov – qazaq rýhanııatynyń damýyna ólsheýsiz eńbek sińirgen tulǵa. Ol 1937 jyly dúnıege kelgen. Fılologııa ǵylymynyń doktory, professor, memleket jáne qoǵam qaıratkeri retinde el damýynyń ártúrli salalarynda belsendi qyzmet atqardy.
Joldasbekovtiń ǵylymı-zertteý jumystary qazaq ádebıetiniń eń kóne úlgilerinen bastaý alady. Ol Jambyl Jabaevtyń aqyndyq murasyn keń kólemde zerttep, onyń shyǵarmashylyǵyna jańa ǵylymı turǵydan baǵa berdi. Sonymen qatar, Jambyldyń aqyndyq mektebin zerdelep, onyń zamandastary men shákirtteriniń týyndylaryn jan-jaqty saralady.
Ǵalymnyń eńbegi tek ádebıetpen shektelip qalǵan joq. Ol kóne túrki dáýirine tán Orhon-Enıseı jazba eskertkishterin zerttep, sol muralardy alǵashqylardyń biri bolyp qazaq tiline aýdaryp, ǵylymı aınalymǵa engizdi. Bul eńbekteri arqyly ol túrki halyqtarynyń ortaq murasyna tyń serpin berip, qazaq fılologııasy ǵylymyn jańa deńgeıge kóterdi.
Onyń bastamasymen «Báıterek» ulttyq dástúrler teatry qurylyp, qazaq halqynyń tól mádenıeti men óneri nasıhattaldy. Bul joba arqyly qazaqtyń salt-dástúri men rýhanı qundylyqtary jańa sıpatta kórermenge usynyldy.
Qoǵamdyq qyzmette de ózindik orny bar tulǵa retinde túrli memlekettik laýazymdardy abyroımen atqardy. Elimizdiń mádenı jáne rýhanı órkendeýine, ulttyq biregeıliktiń nyǵaıýyna baǵyttalǵan bastamalarǵa árdaıym qoldaý kórsetip, belsene atsalysty. Ult rýhanııaty men ǵylymynyń damýyna ólsheýsiz úles qosqan kórnekti tulǵa – Myrzataı Joldasbekovtiń týǵan kúni – otandyq ǵylym men mádenıet úshin mańyzdy data.
Damıra Tólegen
EUÝ stýdenti
