Elimizdiń jetekshi mektepteriniń reıtıngin QR Bilim jáne ǵylym mınıstrliginiń Bilim berý salasyndaǵy sapany qamtamasyz etý komıteti jarııalady.
Oqý oryndary memlekettik attestattaý qorytyndylary, bilim alýshylardyń bilim jetistikteri monıtorınginiń derekteri, oqýshylardyń jetistikteri, pedagogtardyń biliktiligi, ınklıýzıvti bilim berý úshin jaǵdaılar, tárbıe jumysynyń tıimdiligi, mekteptegi mıkroklımat, ǵylymı, ekologııalyq jáne áleýmettik jobalarǵa qatysý sııaqty ólshemder boıynsha baǵalandy.
Bul baǵyttar boıynsha Qaraǵandy oblysynda ál-Farabı atyndaǵy Balqash jalpy bilim beretin mektebiniń, № 1 qaraǵandylyq gımnazııa men № 2 lıseıdiń, Á. Bókeıhan atyndaǵy Shahtınsk lıseı-mektebiniń jáne S. Seıfýllın atyndaǵy mektep-gımnazııanyń úzdik kórsetkishteri baıqalady.
