Sýretti túsirgen – Jangeldi ÁBDIǴALYM
Oblysymyzda memlekettik jalpy bilim beretin mektepter sany – 402. Onyń 231-i – aýyldyq jerde ornalasqan. Al jalpy oqýshylar sany – 172 425. Onyń 40 753-i aýyldyq mektepterde bilim alady. Aýyldyq bilim oshaqtarynyń 160-y shaǵyn jınaqtalǵan mektepter qatarynda. Osy oraıda óskeleń urpaqty oqytý, tárbıeleý jáne damytý úshin qolaıly jáne qaýipsiz jaǵdaılar jasaý – mańyzdy. Oqýshy oryndarynyń tapshylyǵy, apatty jáne úshaýysymdy mektepterdiń máselesin sheshý – kún tártibinde tur.
Osy oraıda Qaraǵandy qalasynda, Buqar jyraý jáne Shet aýdandarynda 8 600 oqý ornyna arnalǵan 9 mektep ashyldy. Novostroıka aýylynda 150 oryndyq jańa mektep apattyq ǵımarattyń ornyna salynǵan. Balalarǵa zamanaýı jáne keń synyp bólmelerinde oqýǵa múmkindik berilip, mektepterdi materıaldyq-tehnıkalyq jaraqtandyrý da jańartylǵan.
Jalpy, Qaraǵandy oblysyndaǵy «Keleshek mektepteri» ulttyq jobasy boıynsha 2025 jylǵa deıin 12 500 oryndyq 18 zamanaýı mekteptiń qurylysy josparlanǵan bolatyn. Onyń ishinde bıyl 10-y Qaraǵandy, Balqash, Buqar jyraý jáne Shet aýdandarynda tapsyrylýy tıis. Qyrkúıek aıynda Buqar jyraý aýdanynyń Novostroıka aýylynda apatty jaǵdaıdyń ornyna salynyp jatqan 150 oryndyq mektep paıdalanýǵa beriledi. Sonymen qatar búgingi tańda mektepter bazasy jańǵyrtylyp jatyr. Bıyl 15 ǵımaratqa kúrdeli jóndeý jumystaryn júrgizý josparlanyp otyr. Oqý jabdyqtary da jańartylǵan. О́tken jyly fızıka, hımııa, bıologııa, STEM pánderin oqytýǵa arnalǵan 72 zamanaýı kabınet satyp alyndy. Bıyl taǵy 65 josparlanǵan.
– «Aýyldyq jerlerde tirek mektepterdiń áleýetin damytý» jobasy boıynsha «Qazaqstan halqyna» qory 8 mektepti jańǵyrtqan. Bıyl taǵy úsh jospar bar. Qala men aýyl arasyndaǵy alshaqtyqty azaıtý úshin «Repetıtor», «Sıfrlyq muǵalim», «Tabys formýlasy», «Myń mektep» jobalary iske asyrylý ústinde. Mektepterde barlyq bastaýysh synyp oqýshylary tegin ystyq tamaq alady. Bul – 75 myńnan astam bala. Sondaı-aq jalpyǵa birdeı bilim qorynyń esebinen áleýmettik osal otbasylardan shyqqan 6 myńǵa jýyq bala tegin túski as ishedi. О́tken jyly oblysta 27 jańa mektep avtobýsy satyp alyndy. Bıyl da jańartý jalǵasady, – deıdi Gúlbaqyt Júnisova.
Jalpy, atalǵan mektepterdiń jabdyqtary men qurylys materıaldary joǵary talaptarǵa sáıkes tańdalyp alynǵan. Prezıdenttiń mega jobasyn sapaly iske asyrýda sportzaldardyń sany basqa mektepterden áldeqaıda artyq. Mektepterdiń dızaıny da erekshe, tipti bastaýysh pen eresek synyptardyń bólek bloktarda oqýy sekildi máseleler de jiti qarastyrylǵan. Shalǵaıdaǵy aýyldardyń ózinde jaıly mektepterdiń boı kóteretini aýyl balalary úshin úlken olja ári qýanysh bolǵaly tur.
– Qazirgi tańda bilim oshaqtarynyń qurylys jumystary kestege saı júrip jatyr. Merzimi men sapasyn erekshe baqylaýda ustap otyrmyz. Jańa mektepter jeti túrli talapqa saı 300, 600, 900, 1200, 1500, 2000 jáne 2500 oryndyq bolyp, aýylda, qalada da jańa biryńǵaı standart negizinde salynady. Bastaýysh jáne joǵary synyp oqýshylary mektepte bólek bloktarda oqıdy. Ár blokta oqý kabınetteri, dárethanalar, sport zaldary bar. Balalar úshin beınebaqylaý, dybystyq habarlaý jáne basqa da kúsheıtilgen qaýipsizdik sharalaryn ornatý kózdelip otyr. Zaman talabyna saı tolyqtaı jabdyqtalady, – deıdi oblystyń qurylys, sáýlet jáne qala qurylysy basqarmasy basshysynyń orynbasary Abylaı Smaǵulov.
Osylaısha, «Keleshek mektepteri» ulttyq jobasyn oryndaý Ulttyq qor qarajaty esebinen júzege asyrylyp jatqandyqtan, bul joba úsh aýysymdyq jáne apattyq mektepterdi joıýǵa tolyǵymen múmkindik beredi. Qaraǵandy oblysy boıynsha «Keleshek mektepteri» ulttyq jobasy aıasynda 2026 jylǵa deıin 12 500 oqýshyǵa 18 mektep salyp, paıdalanýǵa berý josparlanǵan. Qarjylandyrýdyń jalpy kólemi 87,4 mlrd teńgeni quraıdy.
Prezıdenttiń tikeleı tapsyrmasy boıynsha júzege asqan «Keleshek mektepteri» jobasy aıasynda Qaraǵandyda eki mektep ashyldy. Onyń biri – №19 mektep. Búginde bilim oshaǵy oqýshylar arasyndaǵy oryn tapshylyǵyn joıyp, sapaly bilim berip jatyr.
Búginde mektep ǵımaraty – oblys mektepteri arasyndaǵy eń úlkeni. Munda bári saraptalyp, oılastyrylǵan. Úlken aýmaqqa qosa balalarǵa yńǵaıly bolý úshin qoıylǵan perımetrlik kireberister, bastaýysh synyptar men aǵa býynǵa arnalǵan jeke kireberister de bar. Mektep aýlasynda oıyn, vorkaýt, fýtbol jáne basketbol alańdary, hokkeı korty, júgirý alańy da bar. Al kógaldandyrýǵa arnalǵan aǵashtar qońyrjaı beldeýlik klımatty eskere tańdalyp alynǵan. Qazirgi tańda jańa bilim oshaǵynda sol aýdanǵa jaqyn «Trılıstnık», «Arena Park», «Jańa ortalyq», «Atameken», «Komfortnyı dom», «Sapfır», «Baısanat», «Zaman», «Amadına», «Onix» jáne «Mereı» turǵynúı keshenderinde turatyn oqýshylar bilim alyp jatyr. Jalpy aýdany 10 myń sharshy shaqyrymnan asatyn №19 mektepte oqýshylar úshin barlyq jaǵdaı jasalǵan.
Qaraǵandy oblysy
