Qanatqaqty bastamanyń artyqshylyǵy

Qanatqaqty jobany iske asyrý qol­danystaǵy shara­lardy júıe­lep, tıim­siz tólemderdi azaıtady, muq­taj aza­mattardyń memle­kettik qol­­daý­dyń ıgiligin kórýine jol ashady, olardy qam­tamasyz etý jó­nindegi bıznes-úde­ristiń ashyq­tyǵyn arttyrady. Premer-mınıstrdiń tapsyrmasy bo­ıynsha Eńbek jáne halyqty áleýmettik qorǵaý, Oqý-aǵartý, Densaýlyq saqtaý, Ishki ister, Má­denıet jáne aqpa­rat, Týrızm jáne sport, Sıfrlyq damý, ın­nova­sııalar jáne aeroǵarysh óner­kásibi mınıstrlikterimen birlesip Shym­kent qalasynda memlekettik qol­daý sharalaryn sıfrlandyrý boıynsha ilkimdi jobany iske qosý baǵytynda jumys toby quryldy.

Jumys toby 11 memle­kettik qyzmet túrin naqtylady:

1) «Joǵary jáne (nemese) joǵa­ry oqý ornynan keıingi bilim berý uıymdarynda stý­dentterdi jataq­hanamen qam­tamasyz etý»;

2) «Azamattardyń jekelegen sanattaryn, sondaı-aq qorǵan­­shy­lyqtaǵy (qamqorshylyqtaǵy) jáne patronat­taǵy, joǵary oqý oryndarynyń stýdentteri men bilim alýshylaryn tegin tamaqpen qamtamasyz etý»;

3) «Múmkindigi shekteýli balalardy úıde oqytýǵa jumsalǵan shyǵyndardy óteý»;

4) «Jalpy bilim beretin mektep­terdegi bilim alýshylar men tárbıe­lenýshilerdiń jekelegen sanattaryn tegin jáne jeńildetilgen tamaqtan­dyrýmen qamtamasyz etý»;

5) «Memlekettik bilim berý uıym­dary stýdentteri men tárbıele­ný­shileriniń jekelegen sanattaryna saıajaı jáne mektep janyndaǵy lagerlerde demalýdy qamtamasyz etýge qujattardy qabyldaý jáne joldamalar berý»;

6)«Bilim berý uıym­darynyń stý­den­t­teri men tárbıe­le­ný­shilerine qarjylyq jáne mate­rıal­dyq kómek kórsetý»;

7) «Tehnıkalyq jáne kásiptik, orta bilimnen keıingi bilim berý uıym­darynda bilim alýshylardy jataq­hanamen qamtamasyz etý»;

8) «Azamattardyń jekelegen sanattaryn, sondaı-aq qor­ǵan­shy­lyqtaǵy (qamqor­­shy­lyq­taǵy) jáne patronat­taǵy adamdardy, tehnıkalyq jáne kásiptik, orta bilimnen keıingi bilim berý uıymdarynyń bilim alýshylary men tárbıelenýshilerin tegin tamaqpen qamtamasyz etý»;

9) «Jeke turǵyn úı qorynan jalǵa alynǵan turǵyn úıdi jaldaý aqysynyń bir bóligin sýbsıdııalaýdy taǵaıyndaý jáne júzege asyrý»;

10) «Turǵyn úı kómegin kór­setý»;

11) «Sportshylar men jat­tyq­ty­­rý­­­shylarǵa ómir boıy aı saıyn­­ǵy mate­rıal­dyq kómek tó­leý».

Igi bastamany iske asyrý bıznes-úderisterdi avtomat­tan­dy­rýǵa, qaıta­la­natyn fýnksııa­lardy anyqtap, joıýǵa, kómek kórsetý monıtorıngin jaqsartýǵa múmkindik beredi.

Jobanyń taǵy bir artyq­shy­­­ly­ǵy – otbasylardy 6 sanatqa – tótenshe qa­jettilikten (azyq-túlik­ke qarajattyń jetis­peý­shiligi) joǵa­ry ál-aýqatqa (qarjylyq qıyn­dyqtardyń bol­maýy) deıin bóletin úı sharýa­shy­lyqtarynyń áleýmet­tik-eko­nomıkalyq osaldyǵy men turaq­ty­lyǵyn baǵalaýdyń baldyq úlgi­si qoldanylady. Negizgi maqsat – resýrs­tardy shynymen muqtaj azamattardyń paıdasyna qaraı negiz­deý, onyń ishinde 6-sanatqa (ál-aýqatynyń deńgeıi jo­ǵa­ry bolǵan jaǵdaıda) jatatyn azamat­tarǵa kómek kórsetýden bas tartylady.

Baldyq model 23 áleýmet­tik-demog­rafııalyq hám ekono­mı­kalyq krıterııler negizinde qalyptasa­dy. Bul rette eki nemese odan da kóp turǵyn úı birliginiń, bir nemese bir­neshe kó­lik quralynyń, tirkel­gen zańdy tul­ǵa­lardyń (jeke kásipker­ler, jaýap­kershiligi shekteýli seriktes­tikter) bolýy, sondaı-aq otba­synyń árbir múshesine ortasha jan basyna shaqqandaǵy tabysy eń tómengi kúnkóris deńgeıiniń 4-ten asýy sııaqty faktorlardyń jıyntyǵy bar otbasylar ál-aýqat deńgeıi joǵary úı sharýashylyqtary sanalady.

Memlekettik qoldaý sharalaryn taǵaıyndaý azamattardy sol nemese basqa sanatqa jatqyzý nátıjeleri boıynsha avtomatty túrde júzege asyrylady.

Osy tásilderdi is júzinde júzege asyrý úshin «Qazaqstan Respýb­lı­kasynyń Eńbek jáne halyqty áleý­mettik qorǵaý mınıstrliginiń sıfr­lyq platformasynda bilim berý, halyqty áleýmettik qorǵaý, turǵyn úı qatynastary, dene shynyqtyrý salalarynda keıbir memlekettik qyzmetter kórsetý jónindegi qanatqaqty jobany iske asyrý týra­ly» birlesken buıryq ázirlendi.  Ári barlyq múd­deli memleket­tik organdarmen kelisil­di. Qujat nor­matıvtik quqyqtyq akti­leriniń etalondyq baqylaý ban­kinde resmı jarııalanǵannan keıin qoldanysqa engizilmek.