Premer-mınıstr orynbasary Ermek Kósherbaev pen oblys ákimi Nurlybek Nálibaev jınalǵandardy jańa bilim oshaǵynyń ashylýymen quttyqtady.
Oblysta sońǵy 3 jylda bilim berý salasyna bólingen qarjy kólemi 304 mlrd 600 mln teńgege jetip, 32 paıyzǵa artqan. Balalardyń bilim alýyna qolaıly jaǵdaı jasap, jaıly orta qalyptastyrý úshin 2023 jyly Qyzylorda qalasyndaǵy 4 mektepke 1 850 oryndyq qosymsha qurylys salynyp, úsh aýysymdyq mektepter máselesi túbegeıli sheshimin tapty.
Saltanatqa arnaıy qatysqan Memlekettik syılyqtyń ıegeri, fızıka-matematıka ǵylymdarynyń doktory, Qazaqstannyń Eńbek Eri Asqar Jumadildaev bilimge bet burǵan qoǵamnyń alar bıigi bólek bolatynyn aıtty.
О́ńirdegi ǵylym men tehnologııa salasyna beıimdelgen daryndy oqýshylarǵa bilim beretin mektep zamanaýı jabdyqtarmen qamtamasyz etilip, balalardyń alańsyz oqýyna bar jaǵdaı jasalǵan.
Nysandy salǵan qurylysshylar men bilim salasy qyzmetkerleri oblys ákiminiń Alǵys hatymen marapattaldy.
Osy kúni Qyzylorda qalasynda Úkimet basshysy orynbasarynyń qatysýymen mýzykalyq kolledj ben oblystyq tarıhı-ólketaný mýzeıiniń jańa ǵımaraty ashylyp, qaıta jańǵyrtylǵan mádenı jáne demalys parki paıdalanýǵa berildi.
