Bul týraly arnaıy uıymdastyrylǵan brıfıngte oblystyq polısııa departamenti bastyǵynyń birinshi orynbasary, polısııa polkovnıgi Serik Toqtybaev habarlady.
Profılaktıkalyq is-shara maqsaty – esirtkige baılanysty quqyq buzýshylyqtardyń aldyn alyp, quramynda esirtki bar ósimdikterdi ósirý jáne daıyndaý faktileriniń jolyn kesý. Jergilikti atqarýshy jáne basqa quqyq qorǵaý organdarymen birlesken josparǵa saı barlyq aýdandyq polısııa bólinisterinde mobıldi-izdestirý jáne jedel-tergeý toptary jasaqtaldy. Departamenttiń barlyq bólinisterinde senim telefondary iske qosyldy.
Alǵashqy 3 kúnde esirtki ósirýdiń 5 deregi anyqtaldy. Bes júz otyz túp sora men jarty kıloǵa jýyq keptirilgen marıhýana tabylyp, tolyq joıyldy.
Polısııa polkovnıgi keı saıttarda tapsyrmalardy ózdiginen oryndaıtyn chat-bottar arqyly sıntetıkalyq esirtki zattardy taratýshylardy jumysqa shaqyryp jatqanyn aıtady.
«Ata-analar balalarynyń júris-turysyna, minez-qulqyna, aralasatyn ortasyna kóńil aýdarǵany jón. Ońaı aqsha qyzyqqan mektep oqýshylary men stýdentter jaýapqa tartylyp jatyr. Esirtkisiz qoǵam qurý bárimizge ortaq mindet ekenin umytpaıyq», dedi S.Toqtybaev.
