Atalǵan qujatqa «Kazsınk» JShS, «TMK» AQ, «ÝMZ» AQ, «Vostokmashzavod», О́skemen maı zaýyty, sondaı-aq barlyq jylý energetıka nysan basshylary qol qoıdy.
Memorandýmǵa qol qoıý rásiminiń 5 maýsym – Qorshaǵan ortany qorǵaýdyń dúnıejúzilik kúnimen jáne ekologtar kásibı merekesimen tuspa-tus kelýi – erekshe mánge ıe. Bul kúni tabıǵatty saqtaý jolynda eńbek etip júrgen, ekologııalyq aǵartý, baqylaý jáne turaqty sheshimderdi engizýmen aınalysatyn barsha jandarǵa shynaıy alǵysymdy bildiremin. Sizderdiń eńbekterińiz – bolashaq urpaq pen búkil planetamyz úshin jasalyp jatqan baǵa jetpes úles.
– О́nerkásiptik kásiporyndar basshylaryna ashyq dıalog pen birlesken jumysqa daıyn ekeni úshin rızashylyǵymdy bildiremin. Tek seriktestik, ózara senim jáne turaqty damý arqyly ǵana óńirimizdiń ekologııalyq ál-aýqatyn saqtaı alamyz. Qatysýshylardy osy qujatpen shektelip qalmaı, bul baǵytta júıeli jumysty jalǵastyryp, eń ozyq qoljetimdi tehnologııalardy engizýge, ekologııalyq jaýapkershilik pen óndiristik mádenıetti arttyrýǵa shaqyramyn, – dedi ShQO ákimi Nurymbet Saqtaǵanov.
Memorandým QMJ týyndaǵan jaǵdaıda, sondaı-aq ekologııalyq sıpattaǵy tótenshe jaǵdaılar kezinde barlyq taraptardyń úılestirilgen is-qımyldaryn kózdeıdi. Bul – shyǵaryndylardy jedel túrde azaıtý, aqparat almasýdyń ashyqtyǵy, monıtorıngke qatysý jáne eń bastysy – qorshaǵan ortanyń lastanýyn boldyrmaýǵa baǵyttalǵan aldyn alý sharalary.
Atalǵan qujat ónerkásip sektorynyń transformasııasy men turaqty damýy salasyndaǵy kúsh-jigerdi úılestirýdiń negizine aınalmaq.
Shyǵys Qazaqstan oblysy
