Osy iske qatysty sot barysy 10 sáýirden bastap Joǵarǵy Sottyń resmı ıýtýb arnasynda tikeleı efırde kórsetildi. Joǵarǵy Sot Kommýnıkasııa bóliminiń meńgerýshisi, sot prosesteriniń onlaın-kórsetilimderi boıynsha jumys tobynyń jetekshisi Perızat Sádýaqas osy prosesiniń onlaın-kórsetilimine qatysty málimetterdi bólisti.
Sherzat Polatqa qatysty sot prosesi eki aı boıy ótip, osy ýaqyt ishinde 36 efır, 80 saǵattan astam tikeleı kórsetilim júrgizilgen. Al Joǵarǵy Sottyń efırlerin 30-dan astam medıa-resýrs retranslıasııa jasaǵan.
«Bıshimbaev isindegi sııaqty, biz bul joly da ashyq ári jarııa proseske jaǵdaı jasadyq, kez kelgen adam tikeleı efırdi erkin kóre aldy. Joǵarǵy Sottyń resmı YouTube arnasynda alǵashqy otyrystan bastap kórsetilimderdi kórý sany mıllıonnan asty», dedi Perızat Sádýaqas.
Perızat Sádýaqastyń aıtýynsha, Sherzat Polatqa qatysty sot prosesin 42 el azamattary kórgen.
«6 maýsym kúngi jıyn óte aýyr boldy. Úkim oqylǵan sátte kamera janynda, aıyptalýshylardyń qasynda turdym. Aramyzda nebári 3–4 jedel qımyldaıtyn arnaıy jasaq qyzmetkeri boldy. Zaldaǵy qysym sát saıyn artyp, úkim jarııalanǵan sátte erneýinen asty» deıdi ol.
«Kópshilik úshin sapaly efır «YouTube»-ta «play» batyrmasyn basý sııaqty kórinedi. Shyn máninde, kadr syrtynda komandanyń orasan eńbegi jatyr. Biz ár translıasııanyń sapaly bolýyna kúsh saldyq. Bul – kópshilikke kórine bermeıtin óte aýyr jumys. Mamandarymyz daıyndyq pen tehnıkalyq jumystardy táýlik boıy júrgizdi. Túsirilim tobynan bólek, uıymdastyrý-tehnıkalyq máselelermen aınalysatyn mamandar da eńbek etti», dedi Joǵarǵy Soty Kommýnıkasııa bóliminiń meńgerýshisi, sot prosesteriniń onlaın-kórsetilimderi boıynsha jumys tobynyń jetekshisi.
