Búgingi tańda kúres sharalary aıasynda 1,8 mln gektar jerge hımııalyq óńdeý júrgizildi. Bul josparlanǵan 2,1 mln gektardyń 86,6 paıyzyn quraıdy.
О́ńdeý jumystaryna 459 birlik arnaıy búrký tehnıkasy jumyldyryldy.
Túrkistan oblysynda hımııalyq óńdeý jumystary aıaqtalýǵa jaqyn, 371,79 myń gektar jer óńdelgen.
Jambyl oblysynda 86,12 myń gektar (80%) alqapqa óńdeý júrgizildi.
Jumystar elimizdiń taǵy 13 óńirinde júrgizilip jatyr. Atap aıtqanda: Qostanaı oblysynda – 391,04 myń ga, Aqtóbe oblysynda – 388,93 myń ga, Batys Qazaqstan oblysynda – 191,48 myń ga, Aqmola oblysynda – 65,31 myń ga, Atyraý oblysynda – 50,84 myń ga, Qaraǵandy oblysynda – 39,28 myń ga jáne basqa óńirlerde.
Aýyl sharýashylyǵy daqyldaryna zııan keltirý jaǵdaılary tirkelgen joq.
О́ńirler qajetti tehnıkamen, hımııalyq preparattarmen jáne basqa da resýrstarmen tolyq qamtamasyz etilgen.
Shegirtkege qarsy kúres sharalaryn uıymdastyrý boıynsha suraqtar týyndaǵan jaǵdaıda 8 (7172) 72-53-83 nómirli Call-ortalyqqa nemese Telegram-arnadaǵy chat-botqa («Sarancha/Shegirtke 2025») habarlasýǵa bolady.
