Qoǵam • 20 Maýsym, 2025

Elimizde sýarý qondyrǵylaryn shyǵaratyn tórt zaýyt bar

50 ret

kórsetildi

1 mın

oqý úshin

2024 jyly el boıynsha shamamen 158 myń gektar jerge (onyń 130 myń gektary ońtústik óńirlerge tıesili) sý únemdeý tehnologııalary engizilgen. Al bıylǵy jyl bastalǵaly beri 85 myń gektar (onyń ishinde ońtústik óńirlerde 59 myń gektarǵa jýyq) jerge sý únemdeý tehnologııalary ornatylyp, onyń ishinde 15,5 myń gektarǵa jańbyrlatyp sýarý jáne 29,4 myń gektarǵa tamshylatyp sýarý júıeleri qoldanylǵan, al 14,1 myń gektar jer lazerlik qurylǵymen tegistelgen, dep habarlaıdy Egemen.kz.

Shyńǵys MUQAEV

Elimizde sýarý qondyrǵylaryn shyǵaratyn tórt zaýyt bar

Foto: Sý resýrstary jáne ırrıgasııa mınıstrligi

Qazirgi ýaqytta Qazaqstanda jańbyrlatyp jáne tamshylatyp sýarý qondyrǵylaryn shyǵaratyn tórt otandyq zaýyt jumys isteıdi. Olar Túrkistan oblysynda jáne Astana, Almaty qalalarynda ornalasqan.

Bıyl Túrkistan oblysynda tamshylatyp sýarý jabdyqtaryn shyǵaratyn úsh zaýyt ashý josparlanyp otyr.

«Byltyr mınıstrligimiz fermerlerdiń sý únemdeý tehnologııalaryn satyp alýy men ornatýyna ketken shyǵynnyń ótemaqysyn 30%-ǵa arttyrdy. Sonymen qatar sýarmaly sýǵa saralanǵan sýbsıdııalar engizildi. Sý únemdeý júıelerin qoldanatyn sharýalar úshin sýbsıdııa kólemi 60%-dan 85%-ǵa deıin ulǵaıtyldy. Mundaı tehnologııalardy qoldaný sýarmaly sýdy 30%-ǵa deıin únemdeýge múmkindik beredi», dedi sala mınıstrligine qarasty Sý únemdeý tehnologııalaryn damytý departamentiniń dırektory Berikbol Mándibaev.