Uıymdastyrýshylardyń aıtýynsha, doda Ortalyq Azııadaǵy eń iri Tekken fanattar qaýymdastyǵy — Qazaqstan Tekken Fighters (QTF) qoldaýymen ótpek. Bul – bir mezette jankúıerlik pen kásibı básekeniń sheber úılesimin kórsetetin erekshe platforma bolǵaly tur.
Týrnır kúntizbesi tómendegideı:
-
9 shilde – qatysýshylardy tirkeý, «Dragon Ball FighterZ» oıyny boıynsha arnaýly shara;
-
10 shilde – negizgi jarystyń bastalýy, «Guilty Gear Strive» týrnıri;
-
11 shilde – pleı-off kezeńi jáne «Street Fighter 6» oıyn alańy;
-
12 shilde – sheshýshi fınal, úzdik segizdik tartysy.
Týrnır barysy tikeleı efırde kórsetiledi. Kórermender kásipqoı geımerlermen etene aralasyp, túrli shoý-matchtar men shaǵyn saıystarǵa qatysa alady. Sondaı-aq, Tekken 8 oıynyna arnalǵan eksklıýzıvti merch ónimderi arnaıy usynylmaq.
Festıval ishindegi týrnır Otaku Zone dep atalatyn arnaıy aımaqta ótedi. Bul – anıme, manga, azııalyq sán men mýzykaǵa qumar kórermenniń súıikti mekeni. Otaku Zone aıasyndaǵy geımerlik keńistik óz aldyna bir álem: zamanaýı jáne retro qurylǵylar, tanymal oıyndar, blogerlermen kooperatıv formattaǵy batl – bári bir jerde toǵysady.
Oıyn kitaphanasynda 1000-nan astam joba usynylady. Qonaqtardy eki aımaq qarsy alady: biri – zamanaýı qurylǵylarǵa arnalǵan (PlayStation 5, PK, rýlder), ekinshisi – klassıkalyq konsolder (SEGA, Nintendo, PS1, PS2). Bul – tek oıyn emes, ótkenge saıahat pen bolashaqqa baǵdar.
Alańdaǵy eń qyzyq núktelerdiń biri – «Retro Genesis» kompanııasynyń stendi. Munda eki túrli jeli tanystyrylady:
-
Canonic – túpnusqa kartrıdjdermen jumys isteıtin klassıkalyq qurylǵy,
-
Fusion – birneshe konsoldiń fýnksııasyn bir qurylǵyǵa toǵystyrǵan zamanaýı nusqa.
Comic Con Astana-2025 festıvaliniń basty qonaǵy – Endı Serkıs, brıtandyq akter, rejısser jáne sıfrlyq keıipkerlerdi ekranǵa shyǵarýda tóńkeris jasaǵan tulǵa. Ol – «Saqınalar ámirshisindegi» Gollým, «Maımyldar planetasyndaǵy» Sezar, Marvel álemindegi Ýlıss Klo, «Betmendegi» Alfred rólderimen tanymal. Sonymen qatar «Venom 2», «Maýglı» jáne aldaǵy ýaqytta jaryq kóretin «Saqınalar ámirshisi: Gollýmǵa ańshylyq» fılmderiniń rejısseri.
Sonymen Comic Con Astana-2025 tek pop-mádenıet merekesi ǵana emes, kıbersport pen ınteraktıvti oıyn áleminiń toǵysqan iri alańyna aınalǵaly otyr. Bul oqıǵa Astanany jahandyq oıyn kartasyna nyq engizetin mańyzdy qadam bolmaq.
