Foto: disk.yandex.ru
Shara barysynda sóz sóılegen oblys ákimi Nurymbet Saqtaǵanov jýrnalıstıkanyń qazirgi qoǵamdaǵy mańyzyn aıryqsha atap ótti. Onyń aıtýynsha, aqparat quraldary – tek jańalyq taratý quraly emes, halyq pen bıliktiń arasyndaǵy dıalog alańy, senim kópiri, qoǵamdyq sanany qalyptastyrýshy qýatty kúsh.
Forým aıasynda sala úzdikterine memlekettik jáne vedomstvolyq marapattar, sondaı-aq oblys ákiminiń arnaıy syılyqtary tabystaldy.
Memleket basshysynyń atynan beriletin «Qurmet» ordeni medıaortalyqtyń bas dırektory Arsenıı Dúısenovke jáne «Astana» telearnasynyń oblystaǵy menshikti tilshisi Irına Iаkýnınaǵa tapsyryldy. Al «Shapaǵat» medalimen «QazAqparat» agenttiginiń tilshisi, Buqara.kz saıtynyń bas redaktory Talǵatjan Muhamedıev marapattaldy.
Sondaı-aq, «Eńbek ardageri» medali – «Delovoı Kazahstan» gazetiniń tilshisi Olga Sızovaǵa tabys etildi. Al «Eren eńbegi úshin» medali – «Egemen Qazaqstan» gazetiniń menshikti tilshisi, Qazaqstan Jýrnalıster odaǵynyń oblystyq fılıalynyń tóraǵasy Mereı Qaınarovqa tabystaldy.
Sonymen qosa, oblys jáne qala ákimderiniń, basqarma basshylarynyń arnaıy marapattary óńirlik jáne qalalyq aqparat quraldarynyń ujymdaryna tabystalyp, merekelik jıyn sońy konserttik baǵdarlamaǵa ulasty.
Bul – aqparat salasynyń qoǵamdaǵy erekshe róline berilgen shynaıy baǵa, qalam ustaǵan qaýymǵa kórsetilgen qurmettiń bir parasy boldy.
