2025 jylǵy 1 qańtardaǵy jaǵdaı boıynsha barlyǵy 4 579 342 birlikten turatyn bastapqy geologııalyq aqparattyń 60%-y — 2 601 571 birligi sıfrlandy. Bul baǵyttaǵy jumystar «Ulttyq geologııalyq qyzmet» AQ bekitken josparǵa saı júrgizilýde jáne tolyq sıfrlandyrý 2028 jylǵy 1 qańtarda aıaqtalady dep kútilýde.
Sıfrlanǵa bastapqy geologııalyq aqparat qataryna aýmaqtyq qorlarda saqtalǵan qaǵaz qujattardyń skanerlengen nusqalary, sondaı-aq magnıttik lentalar men kartrıdjderden alynǵan seısmıkalyq derekter jatady. Bul – dalalyq jáne zerthanalyq geologııalyq barlaý jumystary barysynda tikeleı tirkelgen, baǵaly ári túpnusqa málimetter.
Sonymen qatar elimizde ekinshi geologııalyq aqparatty júıeleý jáne sıfrlandyrý da belsendi túrde júrgizilýde. Búgingi tańda Respýblıkalyq jáne aýmaqtyq geologııalyq qorlarda saqtalǵan 74 452 eseptiń ishinen 66 180-i qurylymdalyp, sıfrlyq formatqa kóshirildi. Bul jalpy kólemniń 89%-yn quraıdy. Atalǵan jumysqa esepterdiń qaǵaz nusqalaryn skanerleý, olardy biryńǵaı elektrondy qaltalar men faıl túrlerine qurylymdaý jáne naqty zerttelgen aýmaqtarǵa geografııalyq sáıkestendirý kiredi.
Atqarylyp jatqan bul jumystar geologııalyq málimetterge qoljetimdilikti jeńildetip qana qoımaı, jer qoınaýyn paıdalanýǵa qatysty jasandy ıntellekt pen zamanaýı analıtıkalyq quraldardy engizýge berik negiz qalaıdy. Bul — «aqyldy geologııany» damytýǵa jáne Qazaqstannyń mıneraldyq-shıkizat salasyna ınvestısııa tartýǵa baǵyttalǵan mańyzdy qadam.
