Shara barysynda 5000-ǵa jýyq adam – kásibı kúıshi, oqýshy, stýdent jáne ónersúıer jurt – bir mezette qos kúı oryndap, Qazaqstan rekordtar kitabyna engen jańa jetistikke qol jetkizdi. Rekord ornatý sátin arnaıy kelgen Qaırat Tazabekov resmı túrde tirkep, rastaıtyn sertıfıkatty Jetisý oblysynyń ákimdigine tabystady.
Fleshmobqa oblystyń barlyq aýdandary men mekemelerinen kelgen qatysýshylar belsendi qatysyp, ulttyq ónerge degen qurmetin bildirdi. Sonymen qatar, Jetisý óńiriniń kórikti jerlerinde túsirilgen «Baqtybaıdyń áýeni» kúıi beınebaıan retinde jurt nazaryna usynyldy. Bul mýzykalyq klıp fleshmobpen ushtastyrylyp, dástúr men zamanaýı ónerdi úılestirgen erekshe jobaǵa aınaldy.
Merekelik shara aıasynda jyr alyby Baqtybaı Jolbarysulynyń 190 jyldyǵyna oraı onyń «Baqtybaıdyń áýeni» kúıi men belgili kúıshi-kompozıtor Ábdimomyn Jeldibaıdyń «Erke sylqym» týyndysy oryndaldy.
Uıymdastyrýshylardyń aıtýynsha, bul shara ulttyq ónerdi dáriptep qana qoımaı, mádenı muranyń urpaqtan-urpaqqa berilýine sep boldy. «Uly dala úni» fleshmoby Jetisý óńiriniń ǵana emes, kúlli qazaq eliniń mádenı ómirindegi aıtýly oqıǵa retinde el esinde qaldy.
