Oljas Quspekov qazaq-qyrǵyz shekarasyndaǵy «Besaǵash» avtomobıl ótkizý beketine erekshe nazar aýdardy. О́tkizý pýnktiniń ınfraqurylymyn aralap, jumysshylarmen áńgimelesti.
«Baqylaý beketteriniń tıimdi jumysy – tek materıaldyq-tehnıkalyq qamtamasyz etý ǵana emes, ulttyq qaýipsizdikti qamtamasyz etý máselesi. Bul saladaǵy ınfraqurylymdy der kezinde jańǵyrtý mańyzdy», dedi O.Quspekov.
Buǵan deıin depýtat eskirgen shekara zastavalaryn qaıta jańǵyrtý jáne jańadan salý máselesin Májiliste kótergen bolatyn. Búginde bul jobany bıyl iske asyrý sharalary tıisti organdarmen birlesip qarastyrylyp jatyr.
Sapar barysynda Oljas Quspekov Qazaqstan Respýblıkasy Ulttyq ulanynyń №5513 áskerı bólimi men oblystyq Tótenshe jaǵdaılar departamenti О́rt sóndirý jáne avarııalyq-qutqarý jumystary qyzmetiniń jumysymen tanysty. Sondaı-aq Qazaq ulttyq sý sharýashylyǵy jáne ırrıgasııa ýnıversıtetiniń áskerı kafedrasynda bolyp, kadr daıarlaý jáne jastardy patrıottyqqa tárbıeleý máselelerin talqylady.
