Berdibek mýzeıi jańǵyrdy

«Túlekterimiz Táńirtaý eteginde dúnıege kelgen birtýar jazýshy Berdibek Soq­paqbaev atyndaǵy mý­zeı­di jabdyqtap berdi. Is-sha­ra­ǵa mektepte 40 jyldan astam eńbek etken ardager ustaz­dar shaqyryldy. Bul mýzeı – mektep qana emes, ­aýdan oqýshylaryna jasalǵan úlken syı. Aýdanǵa kelgen qonaq­tar jazýshy atyndaǵy mek­tep­ishilik mýzeıden Ber­di­bek atamyzdyń kitaptary hám tutyn­ǵan zat­tarymen tanysa alady», deıdi Berdibek Soqpaq­baev atyndaǵy orta mektep-gımnazııanyń dırektory Gúlmıra Tólegenova.

Mektep maqtanysh­ta­ry­nyń kóshbasynda 2023–2024 jylǵy túlegi, Altyn belgi ıegeri, Azııanyń úsh dúrkin chempıony Tolǵanaı Qasymhannyń turary anyq. Bokstan jasóspirimder arasyndaǵy álem chempıonatynda altyn medal jeńip alǵan Tolǵanaı Qasym­hannyń qurmetine mýzeıden arnaıy burysh ashylǵan.

«Aýdanymyzdyń ǵa­na emes, elimizdiń atyn áıgi­le­gen bylǵary qolǵap she­beri, jas boksshy qyzy­myz Tolǵanaı da osy aýyl­da týyp-ósken. Mektepti Altyn belgige bitirip, búgin­de Almatydaǵy sport jáne týrızm akademııasynda bilim alýda. Tolǵanaıdyń jetistigin maqtan etýmen qatar, oqýshylardyń ynta-yqylasy artsyn dep mýzeı­diń bir buryshyn arnap qoı­dyq. Kezinde Berdibek ata­myzdyń «Jekpe-jek» kitabyn oqyp, qanattanǵan qyzy­myzdyń sporttaǵy ár qadamy óskeleń urpaqqa úlgi-ónege», deıdi mektep basshysy.

Eki jyl buryn «Aýyl mektepteriniń áleýetin arttyrý» jobasyna qatysqan bul mektepke «Qazaqstan halqyna qorynan» 250 mln teńge bólinip, mektep­tiń ma­­te­­rıaldyq-tehnıkalyq ba­za­sy tolyǵymen jabdyq­talǵan. Onyń ishinde hımııa, bıologııa, fızıka, geo­gra­fııa kabınetteri ­ja­saq­­talyp, laborato­rııa­men qamtylǵan. Árbir ­kabınetke ınteraktıvti panel­der, zamanaýı kompıýterler qoıylǵan. Bul oqýshylardyń bilimin arttyryp, oqý sapasyn kóterýge aıryqsha yqpal eteri anyq.

Almaty oblysy