Qarapaıym azamattyń bul batyldyǵy eleýsiz qalmady. Oǵan qurmet kórsetý maqsatynda arnaıy marapattaý sharasy uıymdastyryldy. Shara barysynda Qarasaı aýdany ákiminiń mindetin atqarýshy Rýstam Atshabarov Serikbek Saqaıbaevqa Alǵys hat pen demeýshiler atynan qarjylaı syılyq tabystady.
Sonymen qatar, merekelik jıynǵa aýdandyq polısııa basqarmasynyń basshysy Nusqabek Zaýlanbaev pen tótenshe jaǵdaılar bóliminiń basshysy Baǵdat Sháripbekov arnaıy kelip, búgingi kúnniń batyryna Alǵys hattar men estelik syılyqtar tapsyrdy. Qarasaı aýdandyq aqsaqaldar keńesiniń tóraǵasy Saǵat Másimaqynov óz batasyn berip, bul erlik elge úlgi bolatynyn atap ótti.
«Bul oqıǵa – árbir azamat úshin úlken sabaq. Qoǵamdaǵy beıqamdyq pen salǵyrttyq adam ómirine qaýip tóndiretini anyq. Zańsyz jáne baqylaýsyz ıt ustaý derekteri anyqtalǵan jaǵdaıda turǵyndar quqyq qorǵaý organdaryna nemese aýdan ákimdigine dereý habarlaýy tıis. Qarasaı aýdany ákimdigi Maksımniń tezirek saýyǵyp ketýin tileı otyryp, bul isti tolyq baqylaýda ustap otyr», dedi saltanatty sharany qorytyndylaǵan Rýstam Atshabarov.
Almaty oblysy
