Foto: Atyraý oblysy ákimdigi
Basqarmanyń bólim basshysy Azat Qapanovtyń aıtýynsha, 2024 jyly oblys boıynsha 8 735 gektar jerge kókónis pen baqsha ónimderi egilgen. Bul kórsetkish byltyrmen salystyrǵanda 66%-ǵa kóp. Iаǵnı, qosymsha 3 492 gektar jańa alqap ıgerilgen.
«Bıyl kóktemgi dala jumystary belgilengen merzimde, barlyq agrotehnıkalyq talaptarǵa saı aıaqtaldy. Aýyl sharýashylyǵynyń barlyq baǵyty boıynsha kórsetkish ósip keledi. Egistik kóleminiń artýy memlekettik qoldaýdyń jáne sharýalardyń júıeli eńbeginiń nátıjesi. Maýsymdyq jumystarǵa qajetti jumys kúshi de tolyq qamtyldy», deıdi basqarma ókili.
Maýsymdyq jumystarǵa jumys kúshin tartý úshin 670 sheteldik azamatqa kvota bólingen. Onyń ishinde 501 adamǵa 1 shildede resmı ruqsat berilgen. Qazir bul jumysshylar egistiktegi ónimderdi jınaýǵa kirisken. Alǵashqy nátıjeler de bar. Qazirge deıin 435 gektar jerden 6 940 tonna ónim jınalǵan.
Sonymen qatar 300 gektar alqaptan 1 680 tonna mal azyǵy alynǵan.
