Kórme baıqaý – otandyq taýar óndirýshilerdiń jetistikterin kórsetip, jergilikti kásipkerlikti qoldaý maqsatynda mańyzdy alań boldy.
Kórmege 70-ke jýyq ulytaýlyq kásipker qatysty. Olar ónerkásip, azyq-túlik ónimderi, bylǵary, kıiz, kúmis buıymdary, ulttyq kıimder men halyq tutynatyn taýarlar sekildi túrli ónimderin usyndy.
«Bir aýyl – bir ónim» memlekettik baǵdarlamasy aıasynda jergilikti sharýa qojalyqtary óz ónimderin ákeldi. Bul bastama aýyldyq aýmaqtardyń áleýetin arttyrýǵa baǵyttalǵan.
Oblys turǵyndary men qonaqtary óńirlik otandyq óndirýshilerdiń ónimderimen tanysyp qoımaı, ózderine unaǵan taýarlardy satyp aldy.
Kórme qatysýshylarǵa óz ónimderin kópshilikke tanystyryp qoımaı, tájirıbe almasýǵa, iskerlik baılanys ornatýǵa jáne bıznesti damytý boıynsha ózekti máseleni talqylaýǵa múmkindik berdi.
Nátıjesinde toǵyz kásiporyn úzdik dep tanyldy. Atap aıtqanda: «О́ndiristik maqsattaǵy úzdik taýarlar» atalymynda «Kazakhmys Maintenance Services» JShS, «Kaztehfıltr» JShS, Jeztemir Beton-2 JShS; «Halyq úshin úzdik taýarlar» atalymynda «Altaeva A.R.» JK, TAZA ALEM BEREKE múgedekter uıymy QB, Baıtasov JK; «Úzdik azyq-túlik taýarlary» atalymynda «ULY DALA CO» JShS, Sátbaev qalasyndaǵy mıneraldy jáne jemis sýlary zaýyty JShS, BEK «Han taǵamy» JK.
Atalǵan kásiporyndar baǵaly syılyqtarmen marapattalyp, respýblıkalyq baıqaýǵa joldama aldy. Aımaqtyq kezeń jeńimpazdary Ulytaý oblysynyń atynan respýblıkalyq kórmege qatysyp, Astana qalasynda óńir namysyn qorǵaıdy.
Ulytaý oblysy Kásipkerler palatasynyń dırektory Gúlmıra Qajenova:
««Qazaqstannyń úzdik taýary», «Altyn sapa», «Bir aýyl – bir ónim» baıqaýlary — jergilikti bıznes úshin óz jetistikterin kórsetýge, jańa seriktester tabýǵa, ótkizý naryǵyn keńeıtip, tutynýshylar aýqymyn ulǵaıtýǵa úlken múmkindik» deıdi.
Ulytaý oblysy
