Taıaýda oblys ákimi Qumar Aqsaqalov tıisti basqarma basshylarymen, BAQ ókilderimen birge atalǵan nysanǵa arnaıy bardy. Qazir ortalyqtaǵy qurylys jumystarynyń deni aıaqtalyp, medısınalyq qurylǵylar, balalardyń jatyn ornyna qajet jaıly jıHazdar ákelinip jatyr.
Ońaltý kesheni Qostanaı qalasynyń irgesinde, Tobyl ózeniniń jaǵasynda qaraǵaı, qaıyńdy qalyń orman alqabynda ornalasqan. Jumyspen qamtýdy úılestirý jəne əleýmettik baǵdarlamalar basqarmasy basshysynyń orynbasary Əlııa Mekebaevanyń aıtýynsha, burynǵy rezıdensııa keshenin múmkindigi shekteýli balalar erkin júrip-tura alatyndaı etip qaıta beıimdeý maqsatynda oblys bıýdjetinen 352,4 mln teńge bólingen. Munyń syrtynda, «Qazaqstan halqyna» qoǵamdyq qorynan bólingen 1 mlrd 37 mln teńgege qajetti zamanaýı medısınalyq qurylǵylar satyp alynǵan.
«Qazir qurylys jumystarynyń 80%-y aıaqtaldy. Munda bir jarym jastan on segiz jasqa deıingi balalar em-shara alatyn bolady. Ortalyqqa bir mezette 60 bala ata-analarymen jata alady. Balalardyń barlyǵy zańda qarastyrylǵan segiz əleýmettik qyzmet sheńberinde tegin emdeledi», dedi Ə.Mekebaeva.
21 gektar aýmaqty alyp jatqan keshende jeti ǵımarat bar. Eki-úsh qabatty eńseli ǵımarattardyń tórteýine psıhonevrologııalyq aýytqýy bar balalar ornalasady. Besinshi nysanda arnaıy qyzmet túrleri kórsetiledi. Altynshy ǵımaratta tirek-qımyl apparaty buzylǵan balalar jatady. Jetinshi nysanda sýmen emdeý sharalary júrgiziledi. Ǵımarattardyń bárine arnaıy pandýstar qoıylyp, lıft ornatylady. Jýyný bólmeleri men dərethanalar da múmkindigi shekteýli balalarǵa barynsha beıimdelgen.
Ortalyqta balalardyń oılaý, sezý qabiletin, qımyl-qozǵalysyn damytýǵa baǵyttalǵan qolóner, tigin sheberhanalary, sensorlyq bólmeler, ergoterapııa, defektologııa, psıhologııa kabınetteri jumys isteıdi. Sondaı-aq arnaıy basseınder, dýsh, saýna, fızıoterapııa júrgizetin vannalar ornatylady. Munyń syrtynda, aldaǵy ýaqytta sport alańqaıynyń qurylysy men jattyǵý qurylǵylaryn ornatýǵa qosymsha qarajat bólinbek.
«Əzirge óńirde 20 orynǵa shaqtalǵan bir ǵana ońaltý ortalyǵy bar. Ol jerde jylyna 400 balanyń em alýyna múmkindik qarastyrylǵan. Qazirde oblysta 3 myńnan astam bala múgedek retinde tirkeýde tur. Iаǵnı mundaı ońaltý ortalyǵyna degen suranys óte joǵary. Jańadan ashylǵaly otyrǵan ońaltý ortalyǵy 60 orynǵa shaqtalǵan. Maqsatymyz – balalar men analarǵa barynsha jaǵdaı jasaý. Qostanaı oblysyndaǵy Prezıdent rezıdensııasyn balalardyń ıgiligine berý týraly sheshim Memleket basshysynyń bastamasyna oraı qabyldandy. Atalǵan jumystar el kóleminde iske asyrylyp jatqan «Ədiletti Qazaqstan» ustanymynyń jarqyn kórinisi», deıdi oblys əkimi Qumar Aqsaqalov.
Búginde óńirde jumys istep jatqan jalǵyz ońaltý ortalyǵynda balalar 14 kúnge deıin ǵana em alady eken. Kúzde ashylatyn jańa keshenge kelip túsken bala kem degende 21 kúnge deıin emdeledi. Jańa ortalyq iske qosylsa 77 qosymsha jumys orny ashylmaq.
«Qajetti kadrlardy jasaqtaý jumysyn qaýyrt qolǵa alamyz. Sondaı-aq mamandardy oqytý, biliktilikterin artyrý is-sharalaryn da qatar atqaramyz», deıdi Ə.Mekebaeva.
Ortalyq jyl ishinde 1300-ge jýyq balaǵa medısınalyq qyzmet kórsete alady. Zamanaýı iri keshendi ustap turýǵa oblys bıýdjetinen jyl saıyn shamamen 250 mln teńge bólinip otyrady.
Qostanaı oblysy
