foto: ashyq derekkóz
«Jyl basynan beri 50-ge jýyq kúdikti ustalyp, 133 qylmystyq is sotqa joldandy. Keıbir derekterge qatysty tergeý amaldary jalǵasyp jatyr. Atyraý oblysynda tirkelgen kıberqylmystardyń basym bóligi ınternet-dúkender arqyly jalǵan taýar satý, ózin bank qyzmetkeri retinde tanystyryp aldaý, fıshıngtik siltemelermen jeke derekterdi urlaý tásilimen jasalady.
«Kıberbaqylaý» platformasymen 2000-nan astam fıshıngtik saıt anyqtalyp, buǵattaldy. Baılanys operatorlarymen birge jalǵan nómirler men alaıaqtyq qońyraýlardy anyqtaý, turǵyndarǵa SMS arqyly eskertý habarlamalaryn taratý jumysy turaqty júrgizilip otyr. Turǵyndarǵa kıberqaýipsizdik erejelerin saqtaýdy, kúmándi jaıt týyndaǵanda 102 nomerine habarlaýdy eskertemiz», deıdi Rasýl Joldas.
Onyń málimetinshe, qazir ınternettegi alaıaqtyqty anyqtaý, jolyn kesý maqsatynda «Kıberpol» jedel toby jumys isteıdi. Bıyl mektepter men kolledjderde kıberqaýipsizdikke 20 myńnan asa turǵyn qatysqan arnaıy leksııalar ótkizilgen.
