Birjannyń kásiporny óndiretin kirpishterdi ǵımarat salýǵa, úı qaptaýǵa, taǵy da basqa qajettilikterge erkin paıdalanýǵa bolady. Jaramdylyq merzimi 50–60 jylǵa jetetin kórinedi. О́lshemderi ártúrli. 12 h 20 h 40 (baǵasy 240 teńge) ólshemdegi kirpish úıdiń aýlasyn qorshaýǵa tıimdi bolsa, 20 h 40 h 20 (baǵasy 370) ólshemdegi kirpishpen ǵımaratty qalaıdy.
Kásiporyn ónimge qajetti syǵymdaıtyn, bastyratyn tehnıkany, kirpish quıatyn qalypty Reseıden aldyrady. Qalyp 6 aıǵa ǵana jaramdy. Sebebi qalyptyń ishine beton, qurǵaq eritindi quıylyp, ústinen jobamen 1,5 tonnamen syǵymdalyp, basylady. Júkteme kóp bolǵandyqtan metall jelinedi.
«Tórt tústi kirpish quıamyz. Antrasıt qaptaýysh kirpishi bar. Qazir qoldanysta júr. Antrasıt kirpishtiń qara, qońyr, qyzyl, sur túsi bar. Jurt qalaǵan túske tapsyrys beredi. Tapsyrysqa baılanysty quıamyz. Rvanyı kirpishti quıý kúrdeli. Sapasyna baılanysty baǵa da ózgerip turady. Bir dana kirpish quny ólshemine, sapasyna, salmaǵyna, pishimine qaraı 250-600 teńge aralyǵynda baǵalanady. Kúnine 2,5 myńnan astam kirpish quıylady. Materıaldar baǵasy ósip jatyr. Jaqynda sement baǵasy 150 teńgege ósti. Soǵan qaramastan kirpish baǵasyn kótergimiz kelmeıdi, biraq oǵan naryq yryq berer emes. Azdap bolsa da joǵarylatýǵa májbúrmiz», deıdi kásiporyn basqarýshysy Marǵulan Qasenov.
«Damırde» quıylǵan kirpishter Ulytaý oblysynyń qalalary men aýyldaryn ǵana emes, Qaraǵandy oblysyna qaraıtyn eldi mekenderdi de qamtamasyz etip otyr. Tutynýshylar baǵanyń qoljetimdi ekenin, qaptaýǵa arnalǵan kirpishpen salystyrǵanda 400-500 teńgege arzanǵa túsetinin aıtady.
Kásiporynda 15-ten astam jumysshy bar. Aılyq jalaqy 300 myń teńge shamasynda. Kásiporyn jetekshisi aýdandaǵy az qamtylǵan otbasylarǵa qarjylaı, keıde kirpish jetkizip berip te qoldaý jasap turady. Osyǵan deıin kásiporyn tıeýshi tehnıkany memlekettik baǵdarlama arqyly alǵan edi. Endi bıyl manıpýlıator kran alýǵa memlekettik baǵdarlamanyń kómegi tıse dep úmittenip otyr. Manıpýlıator kran alsa, qarapaıym adamdarǵa ónimderin jeńildikpen artyp, aparyp, túsirip berýge tıimdi bolar edi. Bul tehnıkanyń quny 29-30 mln teńge shamasynda. Ony alýǵa ázirge shaǵyn kásiporynnyń qarjysy jetpeıdi.
Jańaarqa aýdany,
Ulytaý oblysy
