Foto: Sý resýrstary jáne ırrıgasııa mınıstrligi
Sarapshynyń aıtýynsha, Jańa Sý kodeksi – bul Qazaqstannyń tájirıbesi men úzdik halyqaralyq tájirıbeni biriktiretin keshendi qujat. Onda klımattyń ózgerýin jáne sý resýrstarynyń qalyptasý jaǵdaılarynyń ózgerýin eskeretin kóptegen jańa element bar.
«Osy turǵydan alǵanda, bul qujat sý zańnamasyn jańartý jolynda Ortalyq Azııa elderi úshin jaqsy úlgi bola alady. Sý sharýashylyǵy únemi damyp otyrady, onymen birge jańa syn-qaterler de týyndaıdy. Olardy eńserý úshin myqty ınstıtýsıonaldyq negiz qajet», dedi I.Abdýllaev.
Sý resýrstary jáne ırrıgasııa mınıstrliginiń málimetinshe qujatty ázirleý kezinde atalǵan mınıstrlik 5 negizgi prınsıpke súıendi. Olar: sýdy qorshaǵan ortanyń ajyramas bóligi, azamattardyń ómir súrý negizi jáne ekonomıkalyq damýdyń irgetasy retinde taný, sýdy qorǵaý jáne onyń sarqylýyn boldyrmaý, jerústi jáne jerasty sýyn keshendi paıdalaný, sý únemdeý tehnologııalaryn engizý jáne klımattyń ózgerýine beıimdelý, sý qoryn qorǵaý men paıdalanýǵa qoǵamdy tartý.
Eske salaıyq, Jańa Sý kodeksi bıyl 10 maýsymnan bastap kúshine endi.
