BAQ-ty tirkeý. Respýblıkada barlyǵy 4 871 buqaralyq aqparat quraly tirkelgen. Onyń ishinde 3 002 merzimdi basylym (gazet, jýrnal), 236 telearna, 98 radıo, 1 231 aqparat agenttigi men onlaın-basylym bar. 2025 jyldyń I jartyjyldyǵynda BAQ reestri jańartylyp, el aýmaǵynda 140 BAQ qyzmetin toqtatyp (59 gazet, 62 jýrnal, 19 ınternet-basylym), tirkeýden shyǵaryldy.
«Quqyqqa qaıshy kontent» taratýǵa qarsy sharalar. Jyl basynan beri ınternet jelisinen 74 130 zańǵa qaıshy materıal anyqtalyp, olardyń 36 667-i joıylǵan. Onlaın platformalardan 49 896 materıal tabylyp, onyń 12 433-i joıyldy.
Ortaq jobalar. «Evrazııa» arnasy reseılik «Pervyı kanal» arnasymen birlesip, Qazaqstanda «Allıgator» atty 8 serııaly kórkem serıal túsirdi. Búginde «Qazaqstan» arnasy túrkııalyq «Kanal D» arnasymen birge «Qaıta oralǵan Úmit» atty 100 serııaly telehıkaıany jaryqqa shyǵarmaq. «24KZ» arnasy Qytaıdyń CCTV 4 arnasymen «Ortalyq Azııa – Qytaı» sammıti aıasynda Qazaqstan jaıly «Ortaq úı» («Obshıı dom») atty derekti fılmniń premerasyn ótkizdi. «Habar» arnasynda «Uly dala men Aspanasty eli: kórshiler, seriktester, dostar» atty derekti fılm kórsetildi.
Halyqaralyq yntymaqtastyq. Euronews-pen seriktestik aıasynda «Modern Nomads» televızııalyq baǵdarlamasynyń – 12, «East West Connect» – 6, «Voices from Central Asia» – 6 shyǵarylymy, «Focus» 3 reportajy ázirlendi. Sonymen qatar 2025 jyldyń naýryz-maýsym aılarynda Euronews Academy bilim berý jobasy boıynsha Qazaqstanda jýrnalıstıka jáne medıamenedjment baǵyttarynda 4 kásibı kýrs uıymdastyryldy.
Taratý aıasyn keńeıtý. «Sur tabaqshalar» naýqany aıasynda sheteldik spýtnık qurylǵylaryna balama retinde otandyq spýtnık apparattaryn satyp alýǵa yntalandyrý maqsatynda sýbsıdııalaý baǵdarlamasy iske qosyldy. Almaty, Jambyl, Túrkistan oblystarynda 300-den asa qurylǵy satyp alý quny sýbsıdııalandy. Jaqyn arada shekaralas aımaqtarda turǵyndar 3 myńnan asa apparat paıdalanady dep josparlanyp otyr.
