Kompanııanyń ózi muny tutynýshylar suranysynyń álsireýimen, álemdik naryqtaǵy básekeniń kúsheıýimen jáne elektromobılge degen qyzyǵýshylyqtyń tómendeýimen túsindiredi. Ilon Mask bul toqsanda kompanııanyń «kúrdeli synaq kezeńinen» ótip jatqanyn moıyndap, aldaǵy aılar da ońaı bolmaıtynyn eskertti.
Tesla-nyń negizgi úlesi bar AQSh, Qytaı jáne Eýropa naryqtarynda arzan elektr kólikteriniń kóbeıýi jáne úkimet tarapynan beriletin jeńildikterdiń qysqarýy satý kórsetkishine tikeleı áser etti. Buǵan qosa, birqatar sarapshylar Masktyń saıası málimdemeleri men qoǵamdaǵy bedeline qatysty daý-damaılar kompanııa ımıdjine teris yqpal etip jatqanyn aıtyp jatyr.
Osyǵan deıin Ilon Mask Tesla-nyń bolashaǵyn jasandy ıntellekt pen robototehnıkalyq jobalarmen baılanystyryp, elektromobıl óndirisi ekinshi orynǵa yǵysa bastaıtynyn málimdegen edi. Degenmen, ınvestorlar men naryq sarapshylary ázirge naqty nátıje emes, naqty ónim kútip otyrǵanyn alǵa tartady.
Sarapshylardyń pikirinshe, Tesla kompanııasy endi jańa naryqtyq strategııa men senimdi ónim saıasatyn usynbasa, aldaǵy toqsandarda da qarjylyq kórsetkishter jaǵymsyz bola berýi múmkin.
