Polısııa qyzmetkerleri ata-analarǵa erekshe nazar aýdaryp otyr. Balalardy tárbıeleý mindetterin tıisti deńgeıde oryndamaǵany úshin QR ÁQBtK-niń 127-baby boıynsha 9 ata-anaǵa qatysty ákimshilik hattama toltyryldy. Sondaı-aq, saǵat 22:00-den keıin mekemede jasóspirimderdiń bolýyna jol bergen 4 oıyn-saýyq ornynyń ıesi de jaýapkershilikke tartyldy.
Reıd barysynda túngi ýaqytta zańdy ókilderiniń qaraýynsyz júrgen 103 jasóspirim anyqtaldy. 6 jasóspirim oıyn-saýyq mekemelerinen tabylyp, zańmen belgilengen shekteýlerdi buzǵany belgili boldy.
Sonymen qatar, tártip saqshylary 7 jazǵy lagerdi tekserip, balalarmen jáne qyzmetkerlermen profılaktıkalyq túsindirý jumystaryn júrgizdi. Nátıjesinde, 8 jasóspirim men 4 ata-ana esepke alyndy, olar bala tárbıeleýdegi jaýapkershilikti tıisinshe oryndamaǵan. Budan bólek, polısııa esebinde turǵan 71 jasóspirimniń turǵylyqty jeri boıynsha tekserý júrgizildi.
Jambyl oblysy Polısııa departamenti kámeletke tolmaǵandardyń saǵat 22:00-den keıin oıyn-saýyq oryndarynda, al saǵat 23:00-den keıin úıden tys jerde ata-anasyz júrýi ákimshilik quqyq buzýshylyq ekenin eskertedi. Mundaı jaǵdaılar úshin jaýapkershilik ata-analar men eresekterge júkteledi.
Kóp jaǵdaıda jasóspirimder túngi ýaqytta quqyq buzýshylyqtardyń qurbany nemese qatysýshysy bolýy múmkin. Sondyqtan balalardyń qaýipsizdigi – ata-ananyń tikeleı mindeti.
