Foto: silkwaytv.kz
Alǵashqy onlaın-kezeń 31 tamyzǵa deıin jalǵasady. Qatysý úshin sanaq.gov.kz saıtynda ESQ, SMS-kod nemese eGovMobile qosymshasyndaǵy QR-kod arqyly júıege kirýge bolady.
Saıtta eki túrli saýalnama ornalastyrylǵan. Bireýi – agrokásiporyndarǵa, ekinshisi – baý-baqshasy bar ne mal ustaıtyn úı sharýashylyqtaryna arnalǵan. Suraqtar aýyl sharýashylyǵy qyzmetiniń barlyq tusyn: jer men tehnıkany paıdalaný, eńbek resýrstary, aýyl sharýashylyq ónimin ótkizýdi qamtıdy.
sanaq.gov.kz saıtynda saýalnamany qalaı toltyrý kerektigi týraly beınenusqaýlyq, ınteraktıvti kómekshi jáne naqty ýaqyt rejıminde suraqtarǵa jaýap beretin SANAQ myrza chat-boty jumys isteıdi.
Internetke qosylmaǵan azamattar úshin elimiz boıynsha ákimdikter men aýdandyq statıstıka bólimderinde 2684 ózine-ózi qyzmet kórsetý pýnkti ashylǵan. Sondaı-aq 1446 nómirindegi baılanys ortalyǵy táýlik boıy jumys isteıdi jáne tehnıkalyq suraqtardan bastap saýalnamanyń mazmunyna deıin kez kelgen másele boıynsha keńes beredi.
Ulttyq statıstıka bıýrosy aýyl sharýashylyǵy sanaǵyna qatysýshylar usynǵan barlyq derekterdiń zańmen qorǵalatynyn jáne salyq organdaryna, polısııaǵa nemese basqa memlekettik mekemelerge berilmeıtinin habarlap otyr.
