Fotolar: Mádenıet jáne aqparat mınıstrligi
Forýmǵa Mádenıet jáne aqparat mınıstrliginiń Jastar jáne otbasy isteri komıtetiniń tóraǵasy Qaırat Qambarov, ShQO ákiminiń orynbasary Erbol Nurǵalıev jáne ShYU Hatshylyǵynyń Ákimshilik-quqyqtyq máseleler departamentiniń keńesshisi Szıao Hýaısın myrza qatysty.
Mádenıet jáne aqparat mınıstrliginiń baspasóz qyzmetiniń málimdeýinshe forým baǵdarlamasy eki paneldik otyrystan turdy.
Birinshi otyrys jastar saıasatyna arnaldy. Onda ShYU-ǵa múshe elderdiń ozyq tájirıbeleri talqylandy. Qaırat Qambarov óz sózinde Qazaqstannyń Shanhaı yntymaqtastyq uıymynyń bedeldi halyqaralyq uıym retinde qalyptasýy men damýyna qosqan úlesin atap ótip, ShYU aıasyndaǵy yntymaqtastyq Qazaqstannyń syrtqy saıasatyndaǵy basty basymdyqtardyń biri ekenin sóz etti.
Ekinshi paneldik otyrystyń basty taqyryby – nashaqorlyqtyń aldyn alý, bul baǵyttaǵy otandyq tájirıbeni BUU EQB aımaqtyq jastar jelisiniń bir bóligi sanalatyn «Esbol Qory» qoǵamdyq qory tanystyrdy. Qor ınternet keńistigindegi esirtkige qatysty vırýstyq kontentti anyqtap, buǵattaıtyn «MERGEN» atty aqparattyq júıe usyndy. Bul júıeniń arqasynda Qazaqstan aýmaǵynda 4000-nan astam ınternet-resýrs anyqtalyp, buǵattalǵan.
Eske salaıyq, Shyǵys Qazaqstan oblysynda ShYU jas daryndary men kóshbasshylarynyń alǵashqy kezdesýi ótip, oǵan ShYU-ǵa múshe memleketterdiń delegattary qatysyp jatyr. Bul bastama QR Mádenıet jáne aqparat mınıstrligi tarapynan júzege asyrylyp otyr. Atalǵan is-shara 2024 jyly 4 shildede Astanada ótken ShYU-ǵa múshe memleketter basshylary keńesiniń otyrysynda qabyldanǵan kelisimderdiń jalǵasy sanalady, jıynda Qasym-Jomart Toqaev qazirgi zaman jaǵdaıynda birlik pen kúshti biriktirýdiń mańyzyn atap ótkeni málim.
