«Memleket basshysy 2025 jyldy «Jumysshy mamandyqtary jyly» dep jarııalady. Bul – naqty iske, eńbekke, kásipke bet burǵan jastardy qoldaýdyń aıqyn belgisi. Aýdan boıynsha 41 jas granttyq konkýrsqa qatysyp, 20 jas kásipker jeńimpaz atandy. Solardyń biri – Janar Qasymbaıqyzy. Búgin ashylyp otyrǵan nysan – jas kásipkerdiń eńbegi men izdenisiniń nátıjesi», deıdi aýdan ákimi Qanat Qojyqaev.
Jańa tehnıkalyq qyzmet kórsetý pýnkti kent turǵyndaryna qoljetimdi ári sapaly qyzmet kórsetýge baǵyttalǵan.
«Memleket basshysy Qasym-Jomart Toqaev halyqqa Joldaýynda shaǵyn jáne orta bızneske memleket jaǵdaı jasaý kerek degendi únemi aıtyp keledi. Biz ortalyqta kólik motorynyń maıyn satamyz. Maıdy satyp qana qoımaı, aýystyryp beremiz. Maıdyń túrleri óte kóp. Barynsha qamtýǵa tyrysyp jatyrmyz. Tutynýshy maıdy satyp alsa, tegin quıyp beremiz. Aýdan boıynsha mundaı qyzmet bizde ǵana bar. Sapaly qyzmet alǵan jolaýshy ýaqytyn únemdeıdi. Sonymen qatar kólikke arnalǵan túrli aksessýar da satamyz. Balalarymen kelgen jandarǵa arnalǵan demalys orny bar. Salqyn sýsyndar da usynamyz», deıdi Janar.
Kásipker aldaǵy ýaqytta kásip aýqymyn keńeıtip, jańa jumys oryndaryn ashýdy kózdep otyr.
Ulytaý oblysy
