Senbilikke barlyǵy 28 977 adam qatysty. Onyń ishinde 5 437 memlekettik qyzmetshi, 8 006 erikti jáne 15 534 jergilikti turǵyn jumyldyryldy. Sondaı-aq, tazalyq jumystaryna 28 arnaıy tehnıka birligi tartyldy.
Ekologııalyq aksııa barysynda qatysýshylar 95 gektar aýmaqty tazalap, 108 tonna qoqys jınady. Barlyq qaldyqtar arnaıy polıgondarǵa shyǵaryldy.
Atalǵan shara halyqtyń ekologııalyq mádenıetiniń joǵary ekenin jáne jergilikti bılik, eriktiler men turǵyndardyń úılesimdi áreket etýiniń tıimdiligin kórsetti. Mundaı senbilikter tek aýmaqtyń sanıtarlyq jaǵdaıyn jaqsartyp qana qoımaı, tabıǵatqa degen jaýapkershilik kózqarastyń qalyptasýyna da oń áserin tıgizedi.
Aldaǵy ýaqytta da Almaty oblysynda «Taza Qazaqstan» aksııasy aıasyndaǵy jumystar jalǵasyp, bul iske odan da kóp turǵyndar men uıymdar tartylatyn bolady.
Almaty oblysy.
