Sýret: sputnik.kz
Ruqsat etilmegen jerlerge qoqys tastaý qorshaǵan ortaǵa zııan keltirip qana qoımaı, qoldanystaǵy zańnamalarǵa sáıkes ákimshilik jaýapkershilikke ákep soǵady. Aksııa bastalǵaly beri dronnyń kómegimen 14 ruqsat etilmegen qoqys úıindisi anyqtaldy. Anyqtalǵan árbir fakt boıynsha tyńǵylyqty jumys júrgizilip, nátıjesinde
32 quqyq buzýshy jaýapkershilikke tartyldy.
Jalpy, jyl basynan beri polısııa departamenti ákimshilik quqyq buzýshylyqtardy anyqtaý, olardyń aldyn alý baǵytynda belsendi jumys júrgizdi. Aımaqtaǵy qalalar men eldi mekenderdiń tazalyǵy men abattandyrylýyn qamtamasyz etý maqsatynda júrgizilgen jumys nátıjesinde birqatar quqyq buzýshylyq, atap aıtqanda, Ákimshilik quqyq buzýshylyq kodeksiniń 505-baby (qalalar men eldi mekenderdiń aýmaqtaryn abattandyrý qaǵıdalaryn buzý) boıynsha 999 quqyq buzýshylyq anyqtaldy.
Sonymen qatar qoǵamdyq oryndardaǵy tazalyqty saqtamaýǵa baǵyttalǵan áreketterge de qatań sharalar qoldanylyp jatyr. Máselen, ortaq paıdalanylatyn oryndardy lastap, tazalyqqa nemquraıdy qaraǵan 317 turǵyn ákimshilik jaýapkershilikke tartyldy.
Kommýnaldyq qyzmetterdiń jaýapkershiligi de udaıy nazarda. Aıtalyq, «Sát tazalyq» mekemesi óz mindetterin tıisti deńgeıde oryndamaǵany úshin 12 ret jaýapkershilikke tartylǵan.
Quqyq buzýshylyqtardy anyqtaýda beınekameralar utymdy qoldanylyp keledi. Zamanaýı tehnologııalardy paıdalaný quqyq buzýshylyqtardy jedel anyqtaýǵa, olardyń aldyn alýǵa múmkindik beredi. Polısııa departamenti qala men eldi mekenderdiń tazalyǵy men tártibin saqtaý maqsatyndaǵy jumystardy aldaǵy ýaqytta da júıeli túrde jalǵastyrady.
Ulytaý oblysy
