7 000 sharshy metr aýmaqty alyp jatqan A+ sanatyndaǵy jańa habta 4 000 astam palletke oryn bar. Ashylý saltanatynda sóz alǵan sarapshylar onyń «iri jáne joǵary halyqaralyq talaptarǵa saı keletin óńirdegi meılinshe tehnologııalyq farmasevtıka qoımasy» ekenin aıtty. Jobaǵa salynǵan jalpy ınvestısııa kólemi — 4,4 mlrd teńge. Pandemııa jáne jahandyq turaqsyzdyq sııaqty kúrdeli jaǵdaılarǵa qaramastan, kompanııa alystan oılaıtynyn, ornyqtylyq pen áleýmettik jaýapkershilikti pash etip, jobany sátti júzege asyrdy.
Jańa nysanda qazirdiń ózinde 100-den astam joǵary biliktilikti qajet etetin jumys orny ashyldy. Munda logıstıka jáne sapa jónindegi mamandar men farmasevter — Shyǵys Qazaqstanda farmasevtıka salasynyń jańa ortasyn qalyptastyratyn kásibı mamandar jumys isteıdi.
«KFK «Medservıs Plıýs» JShS jobany júzege asyrý barysynda «Ertis» áleýmettik-kásipkerlik korporasııasymen áriptestik ornatyp, Shyǵys Qazaqstan oblysy ákimdiginiń qoldaýyna súıendi.
«О́skemende farmasevtıka habyn ashý kóptegen taraptyń úlesimdi jumys isteýiniń arqasynda júzege asty: árkim óz úlesin qosty. ShQO ákimdigine, «Ertis» ÁKK men «Altynbankke» aıryqsha alǵys aıtamyz. Bizdiń kompanııa úshin ár adamnyń ómiri mańyzdy, sondyqtan da Qazaqstannyń shyǵys óńirinde strategııalyq turǵydan máni zor ári áleýmettik mańyzy bar nysan ashýǵa tyrystyq. Memleket basshysy farmasevtıka salasyn damytý «eldiń básekege qabiletti bolýy men qaýipsizdigi jolyndaǵy mańyzdy faktor» ekenin aıtqan edi, sondyqtan da biz ekonomıkalyq jaǵdaıǵa qaramastan elimizge ınvestısııa salýdy jáne tartýdy, jańa tehnologııalardy paıdalanýdy jáne otandyq óndiristi damytýdy jalǵastyramyz», deıdi «Medservıs Plıýs» kompanııasynyń basqarma tóraǵasy Janat Ýmarov.
Al Shyǵys Qazaqstan oblysy ákiminiń birinshi orynbasary Jaqsylyq Omardyń aıtýynsha, bul joba - atalmysh oblystyń bolashaqqa senimdi qadam jasaǵanyn kórsetedi.
«Búgin biz mańyzdy oqıǵanyń kýási boldyq — óńirde «Medservıs Plıýs» kompanııasynyń zamanaýı farmasevtıkalyq úlestirý haby ashyldy. Bul joba Shyǵys Qazaqstannyń tehnologııalyq, ornyqty jáne jaýapkershilikke qurylǵan bolashaqqa senimdi qadam jasaǵanyn kórsetedi», dedi aımaq basshysynyń birinshi orynbasary.
Aıta keteıik, «MEDSERVIS PLIýS» Qazaq farmasevtıka kompanııasy» JShS álemdegi 320-dan astam dári-dármek óndirýshimen jumys isteıdi.
Kompanııa portfelinde 7 900-den astam ónim ataýy bar, búkil el kóleminde 14 fılıaly ornalasqan jáne 1 500-den astam qyzmetker jumys isteıdi. «Medservıs Plıýs» belsendi túrde zamanaýı sıfrlyq jáne logıstıka sheshimderin engizedi (ERP SAP HANA, GxP, serılızasııa), ESG prınsıpterin qatań saqtaıdy jáne elimizdiń farmasevtıka salasynyń damýyna aıtarlyqtaı úles qosyp keledi. Kompanııanyń keıingi 10 jyldaǵy jalpy ınvestısııa kólemi 18 mlrd teńgeden asty, osy ýaqyt ishinde 20 mlrd teńgeniń ústinde salyq tóledi. Kompanııa ónerkásip alańyn damytýdy jalǵastyryp keledi, sonyń ishinde sheteldik ınvestorlardy tartqan jobalar da bar.
