1 maýsym-31 qazan aralyǵynda ótetin «Qarasora – 2025» is-sharasynyń basty maqsaty – esirtkige baılanysty quqyqbuzýshylyqtardyń aldyn alyp, quramynda esirtki bar ósimdikterdi ósirý jáne daıyndaý faktileriniń jolyn kesý.
Is-shara bastalǵaly Qyzylorda oblysy kóleminde barlyǵy 70 esirtki quqyqbuzýshylyǵy anyqtalsa, onyń ishinde 41 deregi esirtki ósirýge qatysty bolyp otyr. Sondaı-aq, ony ótkizý, asa iri mólsherde saqtaý jáne esirtkige baılanysty qylmystyq teris qylyqtar da tirkelgen.
Zańsyz aınalymnan 898 kg 684 gr esirtki zaty alynyp otyr, onyń 5 keliden astamy «marıhýana» bolsa, 8 kg 794 gr kóknár ósimdigi, 2 kılodan astam sıntetıkalyq esirtki de tárkilengen.
Esirtki ósirýmen aınalysqan 32 adam quryqtalyp, onyń 13-y qamaqqa alyndy.
