Foto: Oqu-agartu ministrligi
Baǵdarlama balalardyń ál-aýqaty ındeksiniń qaǵıdattary men halyqaralyq jáne otandyq normatıvtik-quqyqtyq aktilerge sáıkes ázirlengen jáne býllıngke qarsy kúrestegi úzdik halyqaralyq tájirıbelerge súıenedi.
Oqý-aǵartý mınıstrliginiń málimetinshe baǵdarlamanyń aprobasııasy elimizdiń 9 óńirindegi 50 mektepte júrgizilip, býllıngtiń aldyn alý júıeleri quryldy. Aprobasııa nátıjesinde eń tıimdi tájirıbeler Astana, Almaty qalalary men Abaı, Jambyl oblystary mektepterinde baıqalǵan.
Atalǵan mektepterde shaǵym → taldaý → kómek jospary → qadaǵalaý úlgisi sátti qoldanyldy. Bul proseste arnaıy antıbýllıngtik toptar men keıingi baqylaý sharalary iske qosyldy.
«Biz «DosbolLIKE» baǵdarlamasyn býllıngtiń aldyn alýdaǵy turaqty qural retinde qarastyramyz. Aprobasııa nátıjeleri kórsetkendeı, muǵalimder, ata-analar men balalardyń birlesken qatysý janjaldasý deńgeıin tómendetip, senim men syılastyq mádenıetin qalyptastyrady jáne mektep ortasyn anaǵurlym qaýipsiz ári qolaıly etedi», dep atap ótti Oqý-aǵartý mınıstrligine qarasty Balalardyń quqyqtaryn qorǵaý komıtetiniń tóraǵasy Nasymjan Ospanova.
Baǵdarlama aıasynda mamandardy aýqymdy daıarlaý kózdelgen. Qazirdiń ózinde 2,5 myńnan astam pedagog, psıholog jáne bilim berý júıesiniń qyzmetkerleri oqytylǵan. Jyl sońyna deıin bul kórsetkishti 8 myńnan astam mamanǵa jetkizý josparlanyp otyr.
