Foto: Aqtaý qalasy ákimdigi
Mańǵystaý oblysy ákiminiń birinshi orynbasary Erbol Izbergenov, ardagerler, maslıhat depýtattary, zııaly qaýym ókilderi men qala turǵyndary qatysqan is-sharada aqyn shyǵarmashylyǵynan óleńder oqyldy, uly oıshyldyń qazaq ádebıeti men rýhanııatyna qosqan aıryqsha úlesi eske alynyp, shyǵarmalary men ósıetteriniń ózektiligi atalyp ótti.
«Abaı Qunanbaıuly – ulttyń rýhanı temirqazyǵy. Onyń eńbekteri men ósıetteri ýaqyt ótken saıyn qundylyǵyn arttyra beredi. Búgingi urpaq úshin bul – taǵylym men tárbıe mektebi», dedi Jazýshylar odaǵynyń Mańǵystaý oblysy boıynsha tóraǵasy Sultanbek Qudaıbergen.
