Jyl saıyn orta eseppen 54 myńǵa jýyq sábı dúnıege keletin óńirde sońǵy eki jylda ana men bala óliminiń kórsetkishteri turaqty túrde tómendegen. Oblystyq densaýlyq saqtaý basqarmasynyń basshysy Ashan Baıdývalıevtiń aıtýynsha, bul oń dınamıka profılaktıkalyq skrınıng, perınataldyq kómek jáne kadr daıyndyǵy júıesindegi sapaly ózgeristerdiń nátıjesi. Búginde óńirde perınataldyq skrınıngpen qamtý deńgeıi 88%-ǵa jetken. Bul – halyqaralyq standarttarǵa jaqyndaǵan joǵary kórsetkish. Bul maqsatta 47 ÝDZ mamany oqytylyp, onyń 12-si Ulybrıtanııadaǵy Fetal Medicine Foundation (FMF) sertıfıkatyna ıe bolǵan. Osy sharalardyń nátıjesinde týa bitken damý aqaýlarynyń erte dıagnostıkasy 4%-ǵa artqan.
Jalpy óńirde osy jyldyń 6 aıynda 22 638 bala dúnıege kelgen. Oblysta 22 perzenthana qyzmet kórsetedi. Bosandyrý uıymdarynda 319 akýsher-gınekolog, 89 neonatolog, 101 anestezıolog-reanımatolog jumys isteıdi. 165 akýsher-gınekolog ota jasaý daǵdylaryn meńgergen.
Aıta keteıik, 2025 jyldyń basynan beri №1 oblystyq perınataldyq ortalyǵynda 4050 náreste dúnıege keldi. Onyń ishinde, 72-si – egizder. Bul kórsetkish ótken jylmen salystyrǵanda 271 balaǵa kóp.
