Ashyq esik kúnine 400-den asa ata-ana men oqýshylar sonymen qatar, respýblıkalyq jáne jergilikti BAQ ókilderi qatysty.
900 oqýshyǵa arnalǵan jańa mektep búginde sıfrlandyrý, ınklıýzıvtilik jáne keńistikti kópfýnksıonaldy paıdalanýǵa qoıylatyn barlyq talaptarǵa saı keletin zamanaýı úlgilik bilim ordasy aınalǵan.
Mektep 0-synyptan bastap 11-synypqa deıingi barlyq oqýshylarǵa tolyqqandy bilim berýdi qamtamasyz etedi. Qazirgi tańda ǵımarat jańa jıhazdar, sıfrlyq qurylǵylar men ınteraktıvti tehnologııalarmen tolyq qamtamasyz etilgen. Bul oqý jylynyń alǵashqy kúnderinen-aq sapaly bilim berý prosesin jolǵa qoıýǵa múmkindik beredi.
Bilim ordasy ınklıýzıvtilik pen jalpyǵa birdeı qoljetimdilik qaǵıdattaryna saı jobalanǵan. Ǵımarat pandýspen, lıftpen, taktıldi baǵyttaǵyshtarmen, jaryqtyq belgilermen, sahnaǵa arnalǵan arnaıy qural-jabdyqtarmen jabdyqtalǵan.
Ashyq esik kúni barysynda buqaralyq aqparat quraldarynyń ókilderi men ata-analarǵa mekteptiń ınfraqurylymy atap aıtqanda, sıfrlyq saýattylyq, ınformatıka jáne robototehnıka kabınetteri, aǵash jáne metall óńdeý, tigin jáne aspazdyq sheberhanalary, beıneleý óneri, grafıka jáne jobalaý kabınetteri, STEM-zerthanasy jáne oqýshylardyń barlyq sanatyna qolaıly jaǵdaı jasaıtyn sáýlettik jáne logıstıkalyq sheshimder tanystyryldy.
