Aksııa oblystyń barlyq qalalary men aýdandarynda ótti.
Jezqazǵan qalasynda «Taza qala» aksııasy jastar, eriktiler men qala turǵyndarynyń qatysýymen Alashahan dańǵyly boıynda uıymdastyrylyp, ortalyq kósheleri tazalandy.
Sátbaev qalasynda «Aıaly Jer - Taza Jer» atty is-shara Sporttyq-saýyqtyrý kesheninde ótip, turǵyndarmen qatar qoǵamdyq uıym ókilderi ekologııalyq mádenıetti nasıhattady.
Qarajal qalasy men Jáırem kentinde aqsaqaldar keńesi, máslıhat depýtattary men jastardyń belsendi qatysýymen saıabaqtar men demalys oryndary tazartyldy.
Jańaarqa aýdanynda «Taza aýdan» aksııasy aıasynda ortalyq alań men qoǵamdyq oryndarda senbilik ótti.
Ulytaý aýdanynda, Embulaq óńirinde jastar resýrstyq ortalyǵy uıymdastyrǵan tazalyq sharasyna aýyl turǵyndary men jastar belsendilik tanytty.
Aksııaǵa memlekettik organdar ókilderimen qatar, blogerler, qoǵamdyq uıym músheleri, jastar jáne eriktiler qatysty. Respýblıkalyq jáne oblystyq BAQ ókilderi aqparattyq qoldaý kórsetti.
2025 jyldyń basynan beri Ulytaý oblysynda «Taza Qazaqstan» respýblıkalyq aksııasy aıasynda jeti oblystyq jáne segiz qalalyq senbilik ótkizildi. Buǵan qosa, apta saıyn qala men aýdandarda «Taza beısenbi» sharasy ótkizilip keledi.
2025 jyldyń basynan bastap «Taza Qazaqstan» aksııasyna 44 myńnan astam adam qatysty. Sondaı-aq 870 arnaıy tehnıka birligi jumyldyrylyp, 3520 tonna qoqys shyǵaryldy.
Ulytaý oblysy
