Jármeńkege aýdan ortalyǵynda kásibin dóńgeletip otyrǵan 70-ten astam kásipker atsalysyp, jańa oqý jylyna qajetti mektep formalaryn, sporttyq kıimderdi, keńse taýarlaryn jáne ózge de qajetti qural-jabdyqtardy naryqtaǵy baǵadan tómen, qoljetimdi baǵada usyndy. Sondaı-aq, jany jomart azamattar jármeńke barysynda 310 balaǵa qosymsha qoldaý kórsetip, aqshalaı qarajatpen qatar kıim-keshek jáne mektepke qajetti keńse taýarlaryn tabys etti. Aıta ketelik, aýdan boıynsha 5 sanatqa jatatyn 3 450 mektep jasyndaǵy balanyń ata-analarynyń shotyna 46 228 teńge kóleminde qarjy aýdaryldy.
Osyndaı ıgi is-shara Tólebı aýdanynda da ótti. «Mektepke jol» respýblıkalyq aksııasy jáne «Amanat» partııasynyń «Balany mektepke daıyndaıyq!» jalpyrespýblıkalyq qaıyrymdylyq aksııasy aıasynda aýdan ortalyǵyndaǵy birqatar mekteptiń 120 oqýshysyna mektep sómkeleri men qajetti oqý qural-jabdyqtary tartý etildi. Syılyqtar mektep basshylyqtaryna tabystaldy. Bul jolǵy erekshelik – oqý quraldary men sómkeler oqýshylarǵa óz mektepteri arqyly tabystalatyn bolady.
Uıymdastyrýshylar bul qadam – balalarǵa degen qurmet pen mektep ujymynyń bedelin arttyrýdy kózdeıtinin aıtady.
