Poezııa • 21 Tamyz, 2025

Búgin – halyqaralyq aqyndar kúni

131 ret

kórsetildi

1 mın

oqý úshin

Eń birinshi jaralǵan – Sóz deıdi qasıetti kitaptarda. Adamzat sózdi ónerge aınaldyrǵan sátten bastap dúnıe dıdarynda aqyndar paıda boldy. Olar adam sezimderiniń tereń qatparyna úńilip, halyqqa estetıkalyq lázzat syılaıdy. Al bul ómir mazmunyn tanýdyń birden bir joly. Sol sebepti qadym zamannan beri aqyndar qaýymy erekshe jaratylǵan jandar bolyp esepteledi. Búgin dál osy qusnı sóz sheberleriniń merekesi, ıaǵnı halyqaralyq aqyndar kúni atalyp ótedi, dep jazady Egemen.kz.

Abzal MAQASh

Bul mereke IýNESKO tarapynan 1999 jylǵy 15 qarashada ótken Bas konferensııasynyń 30-sessııasynda qabyldanǵan qararmen bekitildi. IýNESKO sheshiminde aıtylǵandaı, merekeni belgileýdegi maqsat – «poetıkalyq ózin-ózi bildirý arqyly tildik alýandyqty qoldaý jáne joıylyp ketý qaýpi bar tilderge estilý múmkindigin berý».

Resmı Poezııa kúnin belgileý týraly alǵashqy bastama 1930-jyldardyń sońynda aıtyla bastady. 1938 jyly AQSh-tyń Ogaıo shtaty aqyn Tessa Sýızı Ýebbtiń bastamasymen 15 qazandy — ejelgi rım aqyny Vergılııdiń týǵan kúnin — Poezııa kúni dep jarııalady. 1951 jylǵa qaraı bul kún AQSh-tyń otyz segiz shtatynda jáne Meksıkada moıyndalyp, Ulttyq poezııa kúni retinde atalyp ótti. Keıin bul kún basqa elderde de Álemdik poezııa kúni retinde toılana bastady.