Foto: yandex.kz
Búginde osy bastamalardy júzege asyrý jumystarynyń baǵyty qarqyndy. Temirjol salasynda uzyndyǵy 1,3 myń shaqyrymnan astam 4 joba júzege asyrylyp jatyr, olar: «Dostyq – Moıynty», Almaty aınalma joly, «Darbaza – Maqtaaral» jáne «Baqty – Aıagóz».
Bıyl Almaty aınalma joly men «Dostyq – Moıynty» ýchaskesiniń ekinshi joldary aıaqtalady, bul júk tasymaly kólemin bes esege arttyrýǵa múmkindik beredi. «Trans-Qazaqstan temirjol dálizi» aýqymdy jobasy iske qosyldy. Onyń aıasynda «Moıynty – Qyzyljar» ýchaskesi (366 shaqyrym) salynady jáne 1,6 myń shaqyrym joldy jańǵyrtý jumystary jasalady. Aldaǵy 5 jylda 16 myń shaqyrym jol salý jáne jóndeý josparlanyp otyr.
Kólik vıse-mınıstri Maqsat Qalıaqparovtyń aıtýynsha sondaı-aq 125 vokzal jańǵyrtylǵan.
«Ǵımarattardyń qasbetteri, ınjenerlik jelileri, zaldardy, platformalary jańartylyp, mobıldiligi tómen azamattar úshin qaýipsizdik júıeleri men yńǵaıly jaǵdaılar jasalyp jatyr. Bıyl jolaýshylar vagondarynyń parki 175 birlikke tolyqtyrylady, onyń ishinde Stadler kompanııasynyń 51 vagony bar», dep atap ótti M.Qalıaqparov.
