Endi tártip saqshylary megapolıstegi №1 klınıkalyq aýrýhanany, №2 jáne №3 qalalyq aýrýhanalardy, perınataldyq ortalyqty, qalalyq perzenthana men balalar aýrýhanasyn kúzetetin bolady.
Polısııa beketterin uıymdastyrý buzaqylyq oqıǵalarǵa jedel jaýap berýge, shıelenisterdiń aldyn alýǵa, sondaı-aq medısına qyzmetkerleri men pasıentterdiń qaýipsizdigin qamtamasyz etýge múmkindik beredi. Joǵaryda aıtqanymyzdaı bul shara medısına qyzmetkerlerine shabýyl jasaý oqıǵalarynyń kóbeıýine baılanysty qabyldandy. Osy oraıda Memleket basshysy Qasym-Jomart Toqaevtyń qyzmettik mindetterin atqarý kezinde medısına qyzmetkerlerine qatysty zorlyq-zombylyq úshin jazany qatańdatý jóninde tapsyrma bergenin de aıta ketken jón.
Sonymen qatar, Shymkent qalalyq densaýlyq saqtaý basqarmasy «qalalyq juqpaly aýrýlar aýrýhanasynda», «T. Orynbaev atyndaǵy gıperbarııalyq oksıgenasııa ortalyǵy» men «Hadısha» emhanasynda táýliktik kezekshilik uıymdastyryp, tártipti saqtaý úshin medısınalyq mekemelerdi baqylaýǵa alý týraly jergilikti polısııa departamentine hat joldady.
ShYMKENT
